ගාලු පුරවරයෙන් ලොවට දායාද කල සාහිත කලා මිණිමුතු... Galle is the place of inheritance in creative literature (සාහිත්‍ය මාසය වෙනුවෙනි)

Fort Galle

ගොම්මන් කළුවරේ වැටකේ වැටිය දිගේ..

අන්තිම කුරුළු ගී හඬ මිය ඇදෙනු හැඟේ..

සත් මහ සයුර මුමුණයි රණ ගීය ඇගේ..

නිම් හිම් නැතිව කවිහිත දඟ කරයි මගේ..

පණ ඇති මහා සමුදුරු පවුරට ඇදුනූ..

සතුරන් දිනා කොටු බැම්මෙන් වට කෙරුණු..

දකුණට අග රැජින පැළඳූ රජ ඔටුනූ..

ඇය වෙයි ගාලු මව මා දිනු බිම දකුණූ..

සැප්තැම්බරේ සාහිත මස එලඹෙනවා..

සාහිත කලා රස සැම දෙස පැතිරෙනවා..

ලොව සනසවන මහ කව් ගී වැව් බඳවා..

දකුණෙන් ලොවට දුන් මිණි මුතු සිහිවෙනවා.. 

Ven. Thotagamuwe Sri Rahula Thero (1408-1491)

තොටගමු විහාරයේ බෝ මළුවෙන් මිදුන..

පින්බර සැළලිහිණ තුඩඟින් ගත් හසුන..

කැළණිය විභීෂණ දෙව් රජ බැහැ දකින..

උලකුඩ දේවියට දරු සම්පත් පතන..

මහ තෙර සිරි රහල් තොටගමු විහාරයේ..

සිසු නම වෑත්තෑ හිමි හා දිවා රැයේ..

කවි පොත පත කලා සාහිත ප්‍රචාරයේ..

එනයින් ලොවම අද ඒ ගැන විචාරයේ.. 

Ven. Wettawe Thero

කන්කළු කවි හඬට ලොබ බැඳගෙන හැදුනූ..

මින්‍ රළ පවා තොටගමුවට වහ වැටුනූ..

ගුත්තිල ඇදුරු හා මූසිල ගැන ගෙතුනූ..

අදටත් දරයි සාහිත ලොව මිණි ඔටුනූ..

Martin Wickramasinghe

හෙළ නව කතාවට කවි ගී විචාරෙට..

ඉංගිරිසිය වුවද හුරු කල මනාකොට..

පත පොත පත්තරය සිව් මහ කලාවට..

කොග්ගල මළලගම නම අමතක කාට..

ගත් කතුවර නමට දෙන්නට උපාධියක්..

සිත්ගත් මඩොල් දූවට යමු සවාරියක්..

පත් පොත් සමඟ ජීවිතයම කලා පෙළක්..

වික්රමසිංහ මාටින් නම මහෝඝයක්..

Sibil Weththasinhe

ගිංතොට මහා ගං දිය පිරිවර කැන්දා..

සංසුන් සිතින් වෙරළේ සිතුවම් ඇන්දා..

පංහිඳ තුඩග හා ඇස කඳුලක් රංදා..

අන්තිම 'සිබිල්' සිතුවම ඇන්දද නැන්දා..

Rathna Sri Wijesinghe

වෙල්ලස්සට වෙලා විසඳුව මහ ප්‍රශ්න..

බිම්බර සෙනඟ රණ ගීයට පන දුන්න..

ඔහු දිනු ගාලු පුරයට කිරුළක් වැන්න..

සැමදා දිනේ කිවිවර විජෙසිහ රත්න..

- යසිත්මා රශ්විනි යාපාබණ්ඩාර (ගා/ සංඝමිත්තා බාළිකා විද්‍යාලය)