Tuesday, 11 January 2022

අධි පරිභෝජනවාදයෙන් මිදී සරළ ජිවන රටාවකට හුරුවෙමු

වසර දෙකකට අධික කාලයක් තිස්සේ ලෝකය වෙලාගත් දරුණු වයිරසයක් හා ඒ හා සමානව සියලු ක්ෂේත්‍ර වල සිදුවූ කඩා වැටීමත් සමඟ සමස්ථ ලෝකයම ඉදිරියේදී ආහාර හිඟයකට මුහුණ දීමට සුදානම් විය යුතු බව ලෝක ආහාර වැඩසටහන මේ වන විතත් අනතුරු අඟවා ඇත. ලංකාවේ අපිට ආහාර හිඟයට අමතරව වෙනත් අත්‍යාවශ්‍ය ද්‍රව්‍ය වල දැඩි හිඟයකටද දැනටමත් මුහුණ දීමට සිදුවී ඇත්තේ නිෂ්පාදන ක්‍රියාවලියකින් තොරව සංචාරක ව්‍යාපාරය, විදෙස් ශ්‍රමිකයින් වැනි අදායම් හරහා සියලු අවශ්‍යතා පිටරටින් ආනයනය කිරීමේ  යැපුම් ආර්ථිකයක් පැවතිම හා වසංගතයෙන් දුර්වල වූ අපේ ආර්ථිකයේ මිළදී ගැනීමේ හැකියාව මේ වනවිට සීග්‍රයෙන් පහත බසිමින් පවතින හෙයිනි. මෙයට තාවකාලික පිලියමක් ලෙස රජය යම් යම් ආනයනික භාණ්ඩ සඳහා සම්බාධක පනවා ඇති නමුත් මෙය බොහෝ පිරිසකගේ නොසතුටට හේතු වී ඇති බව පෙනේ. ආනනයනය සීමා කර ඇති භාණ්ඩ අතර බොහොමයක් සුඛෝපබෝගී වාහන, මිලාධික ඇඳුම්, සුවඳ විලවුන්, විදුලි උපකරණ, ජංගම දුරකථන හා උපාංග ආදී විශ්වයේ නියමයෙන් මිනිසාගේ මූලික අවශ්‍යතා ලෙස හඳුනාගත් අවශ්‍යතාවයන්ගෙන් එහාට විහිදීගිය පරාසයක භාණ්ඩ වේ.  අපේ වැඩිහිටියන්ගෙන් අප අසා ඇති පරිදි මීට වසර පණහකට පමණ ඉහත කාලයකදී මෙවන් වූ සංවෘත ආර්ථික රටාවකට අප රට හැඩ ගැසෙමින් යද්දී ජනතාව කෝප වූයේ හාල් පරිප්පු සීනි වැනි අත්‍යාවශ්‍ය පාරිභෝගික භාණ්ඩ වල හිඟය නිසයි. 1977 සිට ක්‍රියාත්මක වන විවෘත ආර්ථික සංකල්ප වලින් අනතුරුව වසර 45කින් අද වන විට ජනතාව ගෑස්, කිරිපිටි, ඉන්ධන, වාහන අමතරකොටස්, ජංගම දුරකථන හා පරිඝනක අමතර කොටස් වැනි මූලික අවශ්‍යතා වලින් බැහැර වූ භාණ්ඩ වල හිඟය නිසා කුපිත වී සිටිති.. 

මේ පිළිබඳව මහජනතාව ලෙස අප සතු වගකීමක් හෝ වගවීමක් නොමැතිද? පැහැදිලිවම තිබේ. පසුගිය දශක දෙක තුනක කාලය තුල ජනතාව ඉතා වේගයෙන් හා අන්තනෝමතික ලෙස අධි පරිභෝජනවාදී ජිවිත රටාවකට හුරුවෙමින් සිටියහ. ලංකාවේ ඒක පුද්ගල ආදායම දකුණු ආසියාවේ බොහෝ රටවලට සාපේක්ෂව ඉහළය. වැඩිපුර හම්බකරන්නට සමත් වූ මිනිසුන් ඉවක් බවකින් තොරව ආත්මාර්ථකාමී ලෙස සම්පත් නාස්ති කරමින් සිටියහ. එය ක්‍රම ක්‍රමයෙන් නාගරික සමාජයේ සිට ගමටද, ගමේ ප්‍රභූ පැලැන්තියේ සිට මද්‍ය ආදායම් ලබන පහළ මධ්‍යම පන්තිය දක්වාම ක්‍රමයෙන් පැතිර ගියේ තම ආදායමට සරිළන ජිවන රටාවක් වෙනුවට මිනිසුන් ණය වී ගෙවල් හදන, වාහන මිළදී ගන්නා, කෙනෙකු පළඳින ඇඳුමෙන්, භාවිතා කරන සුවඳ විලවුන් වර්ගයෙන්, අත රැඳී ජංගම දුරකතනයේ වර්ගයෙන් අනිකාගේ ජිවන මට්ටම මනින, උන්මන්තක ස්වරුපයක් දක්වා එය පැතිර යවමිනි.  කුසට අහරක්, හිසට සෙවනක්, විළි වසා ගැනීමට ඇඳුමක් යන මූලික අවශ්‍යතාවයන් මේ වනවිට ආනයනික ක්ෂණික හා සකස්කළ ආහාර, ජීවත්වීමට නොව ප්‍රදර්ශනයට ඉදිකළ මහා මන්දිර හා විවිධ සන්නාමයන්ගේ ප්‍රවර්ධන ප්‍රයෝග වලට හසුවූ මිලාධික ඇඳුම් පැළදුම් විලාසිතා දක්වා වෙනස් වී තිබේ. පොතක ඇතුළත කතාව එහි පිටකවරයෙන් මනින්න එපා යන ප්‍රසිද්ධ කියමන වචන වලට පමණක් සීමා වී එකිනෙකා පරයා භෞතික වශයෙන් කැපී පෙනීමේ හරසුන් වෑයමක අප සියලු දෙනාම වේලි සිටියෙමු. 

ඉදින්, මේ ලැබුවා වූ දුෂ්කර කාලය අපේ ආකල්ප වෙනස් කරගැනීමේ පියවරක් ලෙස නව ආරම්භයක් කරගැනීමට අපි උත්සාහ කරමු. සුඛෝපභෝගී වාහන, මහා පරිමාණ ගොඩනැගිලි, මිලාධික පාරිභෝගික භාණ්ඩ වෙනුවට දියුණුවේ මිනුම් දඬු ලෙස  මිනිසුන්ගේ සතුට, සමානාත්මතාවය හා දැනුම  අගයන සමාජයක් දක්වා අපි අපේ ආකල්ප වෙනස් කර ගනිමු. අපි හැකි සෑම අයුරකින්ම අධි පර්භෝජනවාදී හා නාස්තිකාර, අසාධාරණ ජිවිත භාවිතයන්ගෙන් මිදී සරළ ජිවන රටාවකට හැඩ ගැසෙමු. ස්තුතියි. 

- යසිත්මා රශ්විනි යාපාබණ්ඩාර , සංඝමිත්තා බාලිකා විද්‍යාලය, ගාල්ල. 

Monday, 13 December 2021

Heroin හෙරෝයින් - හයවෙනි කොටස- ('එළ ද බ්‍රා' සංජීව මෙන්ඩිස් ගේ සජීවී කතාවකි)

 අවවාදයයි! ඇබ්බැහි විය හැක.... 


මෙය සැබෑ සිද්දි පදනම් කරගෙන ගෙතූ කතාවකි. නම්ගම් ස්තාන මගේ මනසේ ඇදුන ඒවාය.
සමහර සිද්දින් සිදුවිම් සැබැලෝකයේ සිදුවුවා හෝ සිද්දවිය හැකි වුවත් ඒවා අහබු සිදුවිම්ය.
කතාව ගලාගෙන යාම සදහා සමහර සිදුවිම් සහ සිද්දින් එකතුකර හෝ ඉවත්කර ඇත.

- සංජිව මෙන්ඩිස් 

*******************************************************************************

පස් වෙනි හිට් එක..

Photo credit: Google Images 

ස්ථානය - වැලිකඩ බන්ධානගාරයේ දවසේ රාජකාරි කරන නිලදාරින්ගේ කාර්යාලය

දිනය - මර්වින්ගේ නඩු දිනය

වේලාව - හවස 3.30 පමන

 විරසින්හ අද ඇකියුස්ලාව ගෙනිච්ච වාහනේ තවම ආවේ නැද්ද?

නෑ සර්..දැන් එයි

හරි..ගියපු කට්ටියට කියනවා...අරුන්ව ඇතුලට දාන්න ඉස්සර මර්වින්ව මෙහාට ගෙන්න කියලා බුස්සෙන් ඇවිත් ඉන්නවා ගාල්ලේ නඩුවට මර්වින්ව ගෙනියන්න...

හරි..සර්...

අර  බුස්සෙන් ඇවිත් ඉන්න දෙන්නට කතාකරනවා මෙහාට....

ඒයි...මල්ලිලා අන්න සිරිසෝම මහත්තයා කතාකරනවා ඔයාලට....

 

මල්ලි උබලා දෙන්න විතරද ආවේ?

ඔව් සර්..කට්ටිය හොදටම අඩුයි

ඔව් බන් මටත් එපා වෙලා තියෙන්නේ  කට්ටිය නැතුව අපි කොහමද බන් මුන්ව මෙච්චල් කරන්නේ..

අපි එක්ක ඩැරැවරුත් ආවා සර්...

උබලා වැන් එකේද ආවේ...

නෑ ...සර් වැන් එක යවන්න උනා අර ඇමැතිතුමාගේ නඩුවට.. නිස කොට බස් ඒක අරගෙන ආවේ...

උබලා තේ එකක්වත් බිව්වද?.. කැන්ටිමට ගිහින් තේ එකක් බිලා වරෙන්...ඇකියුස්ලාව ගෙනාපු ගමන් ඩොකියුමන්ට් ටික අත්සන් කරලා මර්වින්ව අරගෙන පලයල්ලා...

හරි සර්..එහනම් අපි තේ එකක් බිලා එන්නම්..

*******************************

ටික වෙලාවකට පසු දවසේ රාජකාරිබාර ස්ථානාධ්පතිගේ කාර්යාලය..

විරසින්හ මේ ඩොකියුමන්ට් ටිකට අර දෙන්නගෙන් අත්සන් අරගෙන මර්වින්ව බාරදෙනවා දෙන්නට...මතක්කරලා හැන්ඩ්කප් එක ගලවගන්නවා මතකනේ වව්නියාවේ ප්රිසන් එකේන් අපේ හැන්ඩ්කප් එකක් අරගෙන ගිහින් ඒක ගෙන්න ගන්න කාපු කට්ට...

අවුලක් නෑ සර්..අපි හැන්ඩ්කප් ගෙනාවා....

මල්ලි උබලා දෙන්න අලුතෙන්ද බැදුනේ...

ඔව් සර්..මෙයාගේ පලවෙනි පත්විම බුස්සට...මමනම් යාපනේ ඉදලා ලගදි බුස්සට ආවේ..

හරි  එහනම් ගිහිල්ලා වරෙල්ලා...

හරි සර් එහනම් අපි මෙයාට හැන්ඩ්කප් දාලා බස් එකට ගෙනියනවා..ගිහින් එන්නම් සර්...විරසින්හ සර් ගිහින් එන්නම්...

ස්ථානය - වැලිකඩ බන්ධානගාරයේ දවසේ රාජකාරි කරන නිලදාරින්ගේ කාර්යාලය

දිනය - මර්වින්ගේ නඩු දිනයට දවසකට පසු දිනය

වේලාව - හවස 3.30 පමන

ඇයි,,,මල්ලි?

සර් අපි බුස්සෙන් ආවේ...ක්න්ඩෙම් ප්රිසනර් මර්වින්ව ගෙනියන්න....හෙට ගාල්ලේ නඩුවට...

මොකාක්....ඇයි ඔයි තමුසෙලා ඊයේ ඇවිත් මර්වින්ව අරගෙන ගියේ ගාල්ලේ නඩුවට කියලා...

පිස්සුද සර්....කලින් කවුරුත්ම බුස්සෙන් ආවේ නැහැ....අද තමයි ආවේ..අනික මර්වින්ගේ ගාල්ලේ නඩුව තියෙන්නේ හෙටනෙ..ඉතින් අපි මොකටද ඌව කලින් අරගෙන යන්නේ...

විරසින්හ.....විරසින්හ..ගෙනවා ඔයි අර මර්වින්ව බාරදුන්න ඩොකියුමන්ට් ටික....

*************************************************************************

පහන්...පහන්..මදුරගෙන් කෝල් එකක්.....

ඉතින් ආන්සර් කරපන්....

ගයියා...මම මදුර....පහන්ගේ යාලුවෙක් ඉන්නවා..පහන්ට කතාකරන්න ඔනාලු....

මම පහන්ට ෆෝන් එක දෙන්නම් මදුර...

පහන්..මම මර්වින්......මම ඩුබායි ඉදලා කතාකරන්නේ...

හරි මර්වින්..හැමදේම පිලිවෙලට කෙරුනා නේද?

මොනවා කියනවද පහන්.. නිසානේ මම ඩුබායි ඉන්නේ...

හරි එහනම්....ගයියා..ඉදා...මදුර එක්ක කතාකරපන්...

මදුර ....කොහමද මර්වින්ව මිසින් කරේ?

මම පහන්ගේ පැලැන් එකට පිටින් ගියේ නැහැ... කියපු විදිහටම...වැලිකඩ ගේට් එකයි බොරැල්ලේ සයිකල් බසාර් එකයි අතර තැනකදි...CCTV නැති තැනකදි මර්වින්ව වෙන වාහනේකට නැග්ගුවා...ඊට පස්සෙ කෙලිම එයාපොර්ට් එකට..ඌට හදපු පාස්පෝර්ට් එකයි ටිකට් ඔක්කොම එක්ක කොල්ලෙක් එයාපොර්ට් එකේ තියලා තිබුනේ....

එතකොට අර කොල්ලෝ තුන් දෙනා?

උන් තුන් දෙනා දැන් ඉන්නේ ඉන්දියාවේ..ලොක්කා ලග....

ඒතොකට බස් එක?

බස් එක බන්ධානාගර බස් එක විදිහටම පේන්ට් කරලා දුන්න ගැරේජ් බාස්ටම බාර දුන්නා....මේ වෙනකොට ඒක යකඩ වලට විකුනලා ඇති...

අර කොල්ලෝ තුන් දෙනා ඇදගෙන ගිය ජේලර් කිට් වලට මොකද කරේ?

ඒවා පහන් කිව්ව විදිහටම පුච්චලා දැම්මා...

හරි එහනම් අවුලක් නැහැනේ...

නෑ..ගයියා...පහන් කිව්වා හරි මර්වින් අතුරුදන් වෙච්ච කේස් එක මුන් මිඩියා වලට යන්න දුන්නේ නැහැ...එහම ගියානම් ලැජ්ජාව උන්ටනේ බන් අනික එහම උනානම් මගෙන් ගතම්න්ට් එක ගන්න වැලකගේ ජොබ් ටු ගැලවෙනවා....

ඒකනේ මදුර මම කිව්වේ පහනා කිව්වා විදිහට කරපන් කියලා...අපි වගේ නේමේ බන් ඔලුවෙන් වැඩ කරන එකා....

ගයියා..කියපන් පහන්ට මොනවද මගේන් කෙරෙන්න ඔනේ..

ඌට ඔනලු  මේ බිස්නස් එකට බහින්න....

හරි ..පහන්ට කියපන් මම ඌට කිලෝ දහයක් දෙන්නම් කියලා ...මට ඒකට සල්ලි එපා..

ඌට බඩු එපාලු..

එහනම් මොන ලබ්බකටද බන් මේ බිස්න්ස් එකට බහින්න හදන්නේ....

මේ බිස්නස් එකට බහින්න ඉස්සර මේ බිස්නස් එක ගැන ස්ටඩි කරන්න ඕනලු...

මෙකේ මොනවද බන් ස්ටඩි කරන්න තියෙන්නේ.....එහෙන් ගත්තා මෙහෙට දුන්නා....

අපිනේ මදුර අයියා... දෙයක් කරන්න ඉස්සර හැම දෙයක් ගැනම හොයලා බලනවා...

හරි...ගයියා කියපන් මොනවද මගෙන් කෙරෙන්න ඔනේ....

පහන්ට ඔනලු කවුරුහරි යටතේ වැඩ කරන්න...

ඉතින් උබ ගනින්කෝ ඌව.....

මදුර උබ විශ්වාස කරපන්..මට මේ හැම දෙයක්ම දැන් ඇතිවෙලා තියෙන්නේ...දැනටත් මගේ බිසන්ස් එක රන් කරන්නේ නවාස්....තව ටික කාලෙකින් මම මේ හැම දෙයකින්ම අයිය්වෙනව.

නෑ.....හරි පහන්ට කියපන් එලියට ආවම මාව ක්න්ටෑක් කරන්න කියලා...මම ඌව ටිම් එකට සෙට් කරන්නම්...හැබැයි පුතෝ...පවුල් බෑ..පෙනෙල්ටි බෑ...වච්චිල් බෑ...

 *******************************************************

ගයියා බිස්නස් එකෙන් අයින්වෙයිද?....පහන් බිස්නස් එකට බහිද?....පහන්ට මිනිහගේ ටාගට් එකට යන්න පුලුවන් වෙයිද?.. මදුර පහන්ට බාරදෙන ලොකු ක්න්ට්රෑක් එක මොකක්ද?...

එහනම් ඉස්සරහට වෙන්නෙ මොකද කියලා අපි බලාගෙන ඉමු....

-එළ ද බ්‍රා මෙන්ඩා