විළඳ මී පැණි දෑල තිබුනද රළු අහර කිස වැළඳුවා දෝ..
පැළඳ මල්දම් රෝස යහනක කටු අකුළු මත සැතපුනා දෝ..
වැලඳ ගත් ඔහු දෑත් සවිමත් බවින් හදවත තෙරපුනා දෝ..
සුවඳ දෙන අන්සතු උයනේ මල කුමට මා වට හිනැහුනා දෝ..
යාන වාහන මිළ මුදල් ඈ පයට දූවිලි උනා වත්දෝ..
දාන අබරණ සේද සළුපිලි බෑර කෙරුමට හැකි උනාදෝ ..
පේන මානෙක සතුට සැනසුම වී ද නැතිනම් ගෙනාවාදෝ ..
හීන අඹරේ නුරා සඳ මල මහිත පායා සුවඳ දේදෝ..
- කල්‍යාණ මිත්‍ර
හා
ReplyDelete(හඃ හඃ හඃ) හා.. :))))
Deleteසඳක් නම් බැසයන්න තිබුණා
Deleteහඬන අහසට අඳුර දි
මලක් නමි ගිලිහෙන්න තිබුණා
නටු අගට ලස්සන නොදී //
පරවි තුඩතින් විළඳ දුන්නට
ගිරවියක වළඳන්නෙ නෑ
කඳුළු බිඳුවක රැඳෙන ගින්දර
සිනාවක් අඳුරන්නෙ නෑ
මලක් නම් .............
පොළව උසුලන සියලු දුක සැප
අහස් තලයෙනි හිමිවුෆණ්
පොළෝ තලයට අහස දුර බව
සිතන්නේ ඇයි මිනිසුනේ
සඳක් නම් ..................
විචාරක දියණිය
ජීවිතේ කවියක්
Deleteආදරේ එහි
සොඳුරුතම වදනක්
කඳුළැලි බිඳක්
හසරැළි පොදක්
එකට එක්වූ
විට දැනේ
පෙර නොවිඳි රසයක්..
පසුපසින්
හඹා එන අතවර
හැරදමා
යා නොහැක බෝ දුර
දුකද ඉවසා
දරා ගන්නට
සිතට බල කරනා
හැඟුම් අවදිව
මැවේ කවිකම..
ඔබ දැකුම සතුටක් විචාරක දියණී.. :)
සුවඳ දේදෝ.. කියල තැවෙන්ඩ කාරි නෑ සෑර් අනිවා සුවඳ දෙනවම තමයි. ඕ යේස්. බඩු ෂුවර්.
ReplyDeleteඒක නෙවේ සෑර් සැලිස්ටාඩ් පාරක් වැදිච්චි එකත් මදෑ.
හැට්ටර් නං හිතං හිටියේ මේ ඉඳහිට කවටකමක් කෙරුවට අමනාප වෙලාදෝයි කියල මේ අකුරක්වත්වත් නොලියන්නේ.
ජයවේවා!
Myself Hattor
පුරුද්දට මම මේකේ හා හා රියක්ෂන් එක හොයනවා.. හොයනවා.. :)))
Deleteහීන අඹරේ නුරා සඳ මල පිපී නිරුතුරු සුවඳ දේවා
ReplyDeleteතවත් සිහිනෙක, එකක් හෙම නොව සිය ගණන් මල් පුබුදු වේවා!
යටලීයෙන් ද? හෙහ් හෙහ්.. වෙඩි කන්ඩ වෙන ප්‍රර්ථනා තමයි ඔයත් කරන්නේ..
Deleteමේ කොරොන්ටයින් වෙලාවේ අන්සතු මල් ගැන හිතලා පතලා ගෙදර උන්දැගෙන් කන්නද ඔය හදන්නේ ?
ReplyDeleteඅල්ලපු වැටේ ලස්සන මලක් පිපිලා බව දැනගත්තෙත් ගෙදර හිටියායින් නෙව? :)))
Deleteවැට කඩොළු ලොව කොතෙක් තිබුනත් එයින් කෙලෙසද නවත් වන්නේ
ReplyDeleteහැට ළඟම මුත් ගියත් වයසට නොමැත හදවත එපිළි ගන්නේ
බැට වදියි මුළු ලොවෙන් සැමදා කවුරුදෝ අනු මත කරණ්නේ
කැට තියමි බණ කියනවුන් හට ලදොත් නැත දෙවරක් හිතන්නේ
ඒක වෙද?
Deleteඋපාසක බළල් ලූ..
දෙක දෙක හොරෙන් අල්ලයි ලූ..
අපි වගේ ගොබිල්ලූ..
කට නිසා ඉල්ලගෙන කයි ලූ.. :))
ජයවේවා!
ගේ ඇතුලටම වෙලා ඉඳල එක පාරට එලියට බැස්සම... හැම මලම ලස්සනට පේනවා නේන්නම්...
ReplyDeleteනාකි වෙලත් මල් වලට පැණි හලන ගතිය තියාගෙන ජිවත් වෙන එක තමා වැදගත් ...
ඔව්වොව්.. මම මේ දැන්ම පුරුදු වෙනවා නාකි වෙලා ඒ ගතිය තියාගන්න :)))
Deleteකොහෙද බොල ගිහින් හිටියෙ?
ReplyDeleteකොරෝනා ඇවිත් නිවාඩු දුන්නනේ ඕයි :))
Deleteපද ගැලපීම යොදාගෙන තියෙන වචන අනුව නම් බොහොම සුන්දර නිර්මාණයක්. ඒත් පැතුම නම් සොඳුරු නෑ.
ReplyDelete