පොලිස් කොත්තුවක් සමඟ වසර තුනකට පසු නැවතත් කුරුඳුවත්ත පොලිස් ස්ථානයට..

කුරුඳුවත්ත පොලිසියත් එක්ක මගේ අත්‍යන්ත බැඳීමක් නෙව තියෙන්නේ.. 2016 ජනේරු මාසේ අහක යන මඟුලක් ෆොටෝ අල්ලල කුරුඳුවත්ත පොලිසියේ දවසක් ලගින්න උනායින් පස්සේ මං කොටිම්ම ආයේ රීඩ් ඇවනියු එක පැත්තෙන්වත් හදිසියකටවත් නොයා හිටියේ.. ඒ තරම් ප්‍රිය මනාපයි පොලිස් උත්තමයන්ව එදා ඉඳං හිටං..

ඒ උනාට ඊයේ සෑ උනානේ ආයිම හෙටානිද්දට එහෙ ගිහින් එන්න සිද්ද වෙන වැඩක්.. ඊයේ සෑ නවයත් පහුවෙල.. මං ගංගාරාමේ පැත්තේ ඉඳං ඇවිල්ල හිට පිත්තල හංදියෙන් වමට දාන්න යනකොට මයෙ අම්මපල්ල කහ ලයිට් එක තිබුනේ.. ඉතිම් මං ආපු වේගෙන්ම නැවුව වමට.. එතකොටම රතු ලයිට් එක පත්තු උනා තමයි ඉතිම්.. ඒක වෙනම කතාවක්.. අපොයි හරෝනකොටම පැන්නේ නැද්ද පොලිස් අංකල්ල දෙන්නෙක් ඉස්සරහට..

පොලිස් කාරයෙක් උනත් සුද්දෙක් නම් අවුලක් නෑ සර්...

ඉතිම් එයාල මගේ ලයිසම පරිස්සමට තියාගෙන මට කොල කෑල්ලක් දීල කියුව මේ දවස්වල ආණ්ඩුවටත් සල්ලි නැති නිසා තැපැල් කන්තෝරුවට සුපියල් 1100/- ගෙවල පොලිසියට ඇවිත් ලයිසම ඉල්ල ගන්න කියල.. කොහෙ පොලිසියටද ඇහුවම තමයි මගෙ මල එජස් වුනේ.. ඇයි යකෝ මේ ලංකාවටම තියෙන්නේ කුරුඳුවත්ත පොලිසිය විතරද.. ඉඳකින්.. දැන් පලකො ඔය ගුබ්බෑයම අස්සේ ආයෙම.. නිකම්ම යන්න හොඳ නැති නිසා පොලිසියට පොඩි මඩකුත් ගහගෙන මගේ ඇරියස් එකත් කවර් කරගන්න හිතුන මේ කතාව දාන්න බ්ලොග් එකේ.. හෙහ් හෙහ්.. ආං එහෙමයි අපි ඈ!

මේ කතාව නං උනේ සැළකිය යුතු කාලෙකට කලින්.. කොටිම්ම දැං මෙහෙම කලාට ඒ කාලේ පොලිසිය අපිට හොඳට සළකන කාලේ.. (මීට අවුරුදු විස්සකට විතර කලින් මම කයිට්ස් වල ඉද්දි කයිට්ස් පොලිසිය තිබුනේ නේවි එක යටතේ.. පොලිසියේ ඕ.අයි.සී ත් ඔපරේශනලි රිපොර්ට් කරේ කයිට්ස් නේවි CO ට.. ඒ කාලේ ඉතිම් අපි හවසට පොලිසිය පැත්තේ ගියාම ඔය සාජන් ලා පී.සී. ල එහෙම කරේ තියාගෙන අපිට සළකන්නෙ.. උන් අපේ සෙක්ටර් වලට ආවම අපේ කොල්ලොත් ෆුල් බක්තිය දෙනව.. දැන් ඒව ඉතිම් මතක විතරයි- හිත හැදෙන්න ඒ ටික ලියුවෙ; කවුරුත් බනින්න එපා ඉතිම් රණවිරු සෙද්දවල් විකුණන් කන්න ලියනවා කියල හිටං)

මේ සිද්ධිය උනේ ඒ 9 පාරේ කෑමට බස් නවත්තන ප්‍රසිද්ද කඩ පොළකදි. තාමත් ඒ කඩ තියෙනව ඇති කියල හිතෙන නිසා හරියටම තැන කියන එක හරි නෑනේ. ඔතන බස් නැවත්තුවම එක ලඟ තියෙන කඩ දෙක තුනක් සූ ගල පිරෙනව.. මම පුරුදු වෙලා හිටියේ ඔය අතරින් ටිකක් අඩුවෙන් සෙනඟ පිරෙන කඩේකට යන්න. එතන ටිකක් නිදහසෙ ඉන්න පුලුවන්. අනික මුදලාලි හෙන ප්‍රියමනාප ඩයල් එක. පොර මඩකලපුවේ බුවෙක්. මාත් ඉපදිල තියෙන්නේ මඩකලපුවේ කියුවම මාත් එක්ක හෙනට ෆිට් උනා.. මුදලාලි ෆිට් නිසා කොල්ලොත් ෆිට්. මාසෙකට සැරයක් දෙකක් ගියා උනත් ඒ ටිකට හොඳට සළකනව (කියල හිතුව..)

දවසක් මං ඔහොම ඔතන ඉන්න වෙලාවෙම පොලිස් ජොකියො දෙන්නෙක් ගොඩ උනා.. ඒ අහල පහල ඩියුටි හිටපු උන් වගයක් වගේ.. උන් ඇවිල්ල වාඩි වෙනකොටම එක කොල්ලෙක් කෑ ගැහුව..

"පොලිස් කොත්තු දෙකා…..යි…."

පොලිස් කොත්තුවක් නොවේ..

විනාඩි පහක් යන්න කලින් හොඳ උනු උනු කොත්තු දෙකක් අරුන් දෙන්නට හම්බුනා.. මට හෙන කුතුහලේ මේ පොලිස් කොත්තු සීන් එක.. මම හෙමීට කොල්ලෙක් ලඟට කිට්ටු කලා..

"ඈ.. බං.. උඹල පොලීසියට හෙන බක්තිය නෙහ්.. ස්පෙශල් පොලිස් කොත්තු විනාඩි පහෙන් දෙන්නෙ ටේබල් එකට.."

ඌ කැත විදියෙ හිනාවක් දාල මෙහෙම කියුව..

"සර් කාටවත් කියන්නේ නැති බව දන්නව.. ඔය යක්කු සල්ලි දෙන්නේ නෑනෙ සර්..  අපි ඔය බාගෙට කාල ඉතුරු කරන කොත්තු, චිකන් අඬු එහෙම වෙනම එකතු කරල තියනව.. ඉතිම් එනකොටම ඒවයින් ලොකු කොත්තු දෙකක් මිරිස් සැරට අලුතෙන් ගහල දුන්නම වැඩේ ශේප්!.."

හායි යාළුවනේ.. සඳුදට මාව කු.පො.යේ ඇරස්ට් කල්ල කියල ආරංචි උනොත් එහෙම හොඳවැයින් පොලිස් කොත්තුවකුත් අරං මාව බලන්න එන්ටල..ජය වේවා! කියුව එහෙනම්..

ක.මි..

"ගාල්ලගේ මැරුණම ඔළුව ගෙනියනවා.." Bravest of the Brave; Fondly Remembering the Founder 2IC of SLN's Special Boat Squadron- Late LCdr Sandun Gallage

෴සදාකාලික වීරයෙක්෴

ජාතිය රන් විමනක් වේ - ආගම මිණි පහනක් වේ
එය රැක ගන්නට මෙලොවේ - සමත් වෙතොත් පුත නුඹවේ

සුරතල් සිඟිති සිනා නගමින් මව් ඇකයේ නැලවෙද්දී මවගෙන් ඇසෙන දේශාභිමානී ගායනා ඇසෙන විට ඒ කුඩා ළයේ දෑ බැති මල් නූපදීයයි කාටනම් කිව හැකිද ? 1970 ඔක්තෝබර් මස 19 දින කැදැල්ල එළිය කරන්නට උපන් ඒ කිරි කැටියා ඉන් වසර 26කට පසු 1996 ඔක්තෝබර් 20 දින වැදූ මව නොසිඳෙන සෝ සයුරක ගිල්වමින් දිනූ දැයට තම දිවි පුද කල බව අනේ…ඒ සිත් කෙසේ දරා ගන්නද ?
ඔහු… 

සමන්ත වරුණ ගාල්ලගේ ,
ලුතිනන් කොමාන්ඩර් ,
NRP 609 ,
ශ්රී ලංකා නාවික හමුදාව 

 As an Officer Cadet- early 90's

සඳුන් යන නමින් සැමගේ සිත් දිනා ගත් ඔහු කුඩා කල සිටම හුරුබුහුටි කාර්යශූර දරුවෙකු වුනා . රගර්, කරාටේ ,ජූඩෝ, පිහිනුම් අංශ වලින් පාසලේ කැපී පෙනෙන සිසුවෙකු වූ ඔහු ගැන ගුරුවරුන් පවා අහස උසට බලාපොරොත්තු තබා ගත්තා . ගල්කිස්ස ජීවිතාරක්ෂක සමාජයේ පිහිනුම් ශූරයෙකු වූ සඳුන් කැළණියේ ගංවතුරට හසුවූ 38 දෙනෙකු බේරා ගත් නමුත් එතරම් වෙහෙස වී සිටියදීත් " ඒ මිනිස්සු බඩගින්නෙ ඉඳිත්දි මට කන්න බෑ අම්මේ " කියා එදින නිරාහාරව ගත කලා .

මානුෂීය ගුණාංගයන්ගෙන් පිරිපුන් අවිහිංසක තරුණයෙකු වුනත් සඳුන්ගේ පැතුම වුනේ රටේ පවතින යුධමය වාතාවරණය තුරන් කොට සාමය උදා කරන සටනට උරදෙන්නට හමුදා සේවයට බැඳෙන්නටයි . "පුතේ වීර මාතාවක් වෙන්න මාත් කැමතියි . ඒත් දැන් මේ රටේ තියෙන්නේ බිස්නස් එකක් . තරුණ ළමයි වෙළඳ භාණ්ඩ තත්වයට පත් වෙලා තියෙන නිසයි මම ඔයා හමුදාවට බැඳෙනවට අකමැති " මව ඔහුට විරුද්ධ වුනේ එහෙමයි . "අම්මි මේ situation එක නිසා ඉදිරියේදී සිංහළ දෙමළ මුස්ලිම් මිනිසුන්ට ජීවත් වෙන්න රටක් නැති වෙනවා . මම කවදාහරි රටට සේවයක් කරලා මැරුණොත් අම්මාට මාව මේ ලෝකෙට බිහිකල එක ගැන ආඩම්බර වෙන්න පුළුවනි." ඔහුගේ අදහස වුනේ එයයි . ඔහු පළමුවෙන් අයදුම් කල යුධ හමුදා සේවයට යන්නට මව කැමති කරවා ගන්නට නොහැකි වුනත් තම පුතුට දැඩි ඇති ආදරය නිසාම දෙවන වරනම් ඔහුගේ ආසාවට විරුද්ධ වන්නට අම්මාට නොහැකි වුනා .

As a Midshipman- Prior to commission

1990 පෙබරවාරි 01 දින ශ්රී ලංකා නාවික හමුදා සේවයට එක්වූ ඔහු පුහුණු කාලය තුලදීද දක්ෂ , අවංක , එඩිතර , විනය ගරුක නිළ දරුවෙකු වුනා . ඔහු නාවික හමුදාවේ සිටියදී රට වෙනුවෙන් කල සේවය ගැන , ඔහු කළ වික්රමයන් ගැන පියාට පවසා තිබුනත් මව දැන ගත්තේ ඔහු මිය ගියාටත් පසුවයි . " ලොකු අම්මා මල් යහනාවල් උඩ අයියලාව හැදුවට එයාට කොටි ගැන message එකක් ලැබුනම කන කෑම එකත් පැත්තක තියලයි කොටි වනසන්න යන්නේ . උන්ගෙ බෝට්ටු ගිල්ලවලම තමයි ආපහු එන්නෙත් " ඒ තොරතුරු මව දැන ගත්තේ නාවික හමුදාවේම සේවය කරන ඥාති පුතෙකුගෙන් . රටේ පවතින අවිචාර යුගය හේතුවෙන් සඳුන්ගේ බාප්පා ඔහුව හමුදාවෙන් අස්කරගෙන නවසීලන්තයට ගෙන්වා ගැනීමට උත්සාහ කලත් " බාප්පලා රට ගිහින් සැප වින්දට අපිත් ඒ දේම කලොත් මේ රටේ දුප්පත් මිනිසුන්ට ජීවත් වෙන්න රටක් කෝ ?" යනුවෙන් ඔහු පිළිතුරු දුන්නේ ඔහුට වඩාත් ආදරේ කල බාප්පාගේත් හිත රිදවමින් . 

Commissioned as a Sub Lieutenant in 1992

1993 ජනවාරි 18 දිනය නාවික හමුදා ඉතිහාසයේ සුවිශේෂි කඩඉමක් සනිටුහන් කලා . ස්වේච්චාවෙන් ඉදිරිපත් වූ නිළධාරින් දෙදෙනෙකු හා නාවිකයන් 42 ක් විශේෂ යාත්රා බලඝණය නමින් නාවික කොමාන්ඩෝ ඒකකයක් පිහිටුවා ගත්තා . එහි නිර්මාතෘ වූයේ වර්තමාන ආරක්ෂක මාණ්ඩලික ප්රධානි අද්මිරාල් රවි විජේගුණරත්න මැතිතුමායි . " Bravest of the Brave " ඔවුනගේ උදෘත පාඨය වුනා . මුහුද , ගොඩබිම හා ගුවන යන අංශ තුනෙහිම අති දක්ෂ කොමාන්ඩෝ සටන් කරුවන් ලෙස පුහුණුව ලබා විශේෂිතවූ මෙහෙයුම් සඳහා පෙරට යන නාවික හමුදා විශේෂ යාත්රා බළඝණය පිහිටුවීමේදී ඔහු එහි ආරම්භක දෙවන අණදෙන නිළධාරියා වූයේ ඔහුගේ ඒ උත්තරීතර කැපවීම නිසාවෙනි . අති දක්ෂ පිහිනුම් ශූරයෙක් , නිර්භීත සටන්කාමියෙක් ,ප්රහාරක යාත්රා මෙහෙවීමේ හා ඉලක්කයට වෙඩි තැබීමේ නිපුණයෙකු වූ ඔහු එම තනතුරට ඉහලම සුදුසුකම් දැරුවා .
අනෙක් අතට කොටි ඔත්තුකරුවන් ගැන ඔහුට තිබුනේ පුදුම ඉවක් . ඔවුන් සමගම සිනාසී කමින් බොමින් ගැවසුන දෙමළ වෛද්යවරයෙක් ගැන ඔහු අනතුරු ඇඟවූ අතර පරීක්ෂා කර බැලීමේදී පොළව යට තිබූ අවි ආයුධ සොයා ගත හැකි විය. නිවාඩු යන්නට ගිය උසස් නිළධාරියෙකුට " සර් , ඒ පාරෙන් යන්න එපා " කියූ ඔහුගේ කීම පිළිගත් නිසා එම නිළධාරියා හා පවුලේ අයගේ ජීවිත ආරක්ෂා විය .
පියකරු සිනාවෙන් හා නිහතමානි කතාවෙන් නාවික හමුදාවේ උසස් පහත් නිළ බේදයක් නොතකා සැමගේ සිත් දිනා සිටි මේ නිළධාරියා කිළාලි කලපුවේදී කොටින්ට එල්ල කල මරු ප්රහාර හේතුවෙන් සහ ඔහුගේ සටන්කාමී බව හේතුවෙන් කොටින්ගේ ඝාතන ලැයිස්තුවටද ඇතුලත් විය . ඔහුගේ නිවසට කතාකොට මවටත් මරණ තර්ජන එල්ල කරන තරමට ඔහු කොටින්ට හිසරදයක් වී සිටියේය . "ගාල්ලගේ මැරුණම ඔළුව ගෙනියනවා " යන කොටින්ගේ ප්රකාශය එකල නාවික හමුදාවේ ප්රසිද්ධ රහසක් විය . හමුදා සේවය පිළිබඳ නැවතත් මවගෙන් මැසිවිලි නැගෙන්නට විය . " එක පුතෙක් ඉන්න අම්මලත් තමන්ගෙ පුතාව යුද්දෙට යවද්දි පුතාලා තුන්දෙනෙක් ඉන්න අම්මා අකමැති වෙන්නේ ඇයි . අපි ඉපදෙන කොට ගෙනාවෙ මරණෙ විතරයි . ඉතින් රටට සේවයක් කරලා ඒ මරණයට වටිනාකමක් ලැබෙන විදියටයි අපි මැරෙන්න ඕනෙ. අම්මා ඒ ගැන ආඩම්බර වෙන්න " මවගේ කඳුළු මැද මවටත් සිතන්නට යමක් කියා දුන් ඔහුගේ පිළිතුර විය .
මේ අතර තුරුණු වියේ හුන් සඳුන්ට මල්සරාගේ හී සර පහරින් බේරෙන්නට නොහැකි විය. නාවික හමුදා නිළධාරිනියක වූ නිෂිකා කුමුදිනී සමඟ විවාහ දිවියට පත්වූ ඔහු රුමල් මිත්සර පුතුගේ ජන්මයෙන් පිය පදවියෙන් අභිෂේක ලැබුවේය .

Could be the last happiest movement of his life..

තමාගේ 26 වන උපන් දිනයට නිවාඩු එන බව නිවසට දන්වා තිබුනත් පැවරුන හදිසි රාජකාරියක් නිසා එම ගමන පසෙක ලන්නට සිදුවිය. 1996/10/20 දින සහෝදර නැවියන් සමඟ ප්රහාරක යාත්රාවකට නැගුනු ඔහු පිටත් වුනේ තවත් කොටි දඩයමකටයි . යාපනය චලෙයි , නල්ලතන්නිතුඩුවායිහි පිහිටි මුහුදු කොටි මර්මස්ථානයක් වනසන්නට එදා යුධ හමුදා හා නාවික හමුදා රණ ශූරයන් එක්ව මෙහෙයුමක් දියත් කලා . ඔවුන් වෙරළට ගොඩබසින්නට සූදානම් වෙද්දී කොටින්ගෙන් වෙඩි වරුසාවක් එල්ල විය . තම යාත්රාවේ සිටි නැවියන් දිරිමත් කරමින් සතුරන්ට එරෙහිව ඔහු එඩිතරව සටන් වැදුනා . ප්රති ප්රහාර එල්ල කරමින්ම තම නැවියන්ට මුහුදට පනින්නට අණ දුන් ඔහු නොකඩවා සතුරන් හා ගැටුනා . දරුණු සටන් පවතින අතරතුරේදී සතුරන්ගෙන් එල්ල වූ ප්රහාරයකට ඔහුද ලක් විය. රටට මහඟු සේවයක් ඉටු කරමින් සිටි සමන්ත වරුණ ගාල්ලගේ තම අභිමානවත් රණ සේවය නිමා කරමින් තම අවසන් හුස්ම ලක්මවට පුද කලේ එලෙසිනි .
රණ වික්රම පදක්කම , රණ ශූර පදක්කම , පූර්ණ භූමි හා වීර වික්රම විභූෂණයෙන් ජාතියෙන් පිදුම් ලද ඔහු වෙනුවෙන් " මෙවන් අකල් වියෝවක් නොවී සසර වසනා තුරා යලිත් හමුවනු මැනවි " ඔහුට ආදරය කල සහෟදයන්ගේ පැතුම වූවා සේම , සදාකාලික වීරයාණෙනි, ඔබ අපට අහිමිව වසර 22 ක් සපිරෙන මොහොතේ මෙලෙස ඔබ සමරමු.

"ඉතිරිවැ සිටිනා අප ලෙස වයසට
නොම පැමිණෙති ඔහු ලොව කිසිදා
කාලය හමුවේ නොමැයෙති දිරුමට
නොම පිරිහෙති ඔහු වසර නිසා
ඉර බැස යද්දී - ඉර පායද්දී
අප සැම සිහිපත් කරමු ඔවුන් "

“They shall grow not old ,as we that are left grow old

Age shall not weary them ,nor the years condemn ,
At the going down of the sun , and in the morning ,
We will remember them”

- Subhashini Edirisooriya (Former Leading Medical Assistant and a close family friend of Gallage's family)

PS- Hi! Friends :) How do you do? I'll be back soon here. :) 

බ්‍රිගේඩියර් ප්‍රියංක ප්‍රනාන්දු ගේ හැසිරීම සාධාරණිකරණය කල හැකිද? Battle hardened militants in diplomatic suit- Brigadier Priyanka Fernando Scandal

ශ්‍රී ලංකා සංචාරක අමාත්‍යාංශය විසින් ලන්ඩන් නුවර ශ්‍රී ලංකා මහ කොමසාරිස් කාර්යාලයටඅනුබද්ධව සේවය කරන අමාත්‍ය උපදේශකවරයා(ආරක්ෂක) ආක්‍රමණශීලී අයුරකින් හැසිරුනේයැයි එම උපදේශකවරයාගේ වැඩ තහනම් කර ඇත. මෙම සිදුවීමේ වීඩියෝ දර්ශන පසුගිය කාලය පුරාම අන්තර්ජාලය පුරා සංසරණය විය.

පසුගිය නිදහස් දිනය දා(04දා) ලන්ඩන් නුවර ශ්‍රී ලංකා තානාපති කාර්යාලය ඉදිරිපිටදී උද්ගෝෂණය කළ උද්ගෝෂකයන්ට සිය ඇඟිලි ඇසුරෙන් ගෙල සිඳ දැමීම සංඥා කිරීමේ සිදුවීම හේතුවෙන් ඇතිවූ මෙම සිදුවීම පිළිබඳව ශ්‍රී ලංකා යුද හමුදාව කඩිනමනින් පරීක්ෂණ කටයුතු සිදු කිරීමට නියමිතය.

- මාධ්‍ය නිවේදනයක්..

බ්‍රිගේඩියර් ප්‍රියංක ප්‍රනාන්දු මහත්මයානනි.
බ්‍රිතාන්‍යයේ කොටි ළග දෙකට නැමෙන් නැතුව ගින්දර වගේ සිටි ඔබට මාගේ හදපිරි උත්තමාචාරය..😍💪
"අවර් නේෂන් තමිල් ඊළාම්"
"අවර් ලීඩර් ප්‍රභාකරන්" කියද්දී.
ඇගේ මාලු අපෙත් නටනව..එතන හිටපු සහ ඒ අවස්තාවට මූන දීපු ඔබේ තත්වය හොදින් තේරුම් ගත හැකියි.

-facebook ප්‍රතිචාරයක්..

‘බෙල්ල කට්‘ පෙන්නූ කවුද මේ ප්‍රියංක?

ලන්ඩන් නුවරදී කොටි හිතවාදීන්ගේ අරියාදුවට පිළිතුරු ලෙස ‘බෙල්ල කට්‘ සංඥාව නිකුත් කළ බ්‍රිගේඩියර්වරයා පිළිබඳ මේ වනවිට සමාජ මාධ්‍ය තුළ විශාල කථාබහක් ඇතිව තිබේ.
ඔහු කවුරුන්ද මේ දක්වා සිදු කළේ මොනවාද යන්න ගැනද ඇතැමුන්ට කුකුසක් පැනනැගී ඇත.

- ගොසිප් පුවතක්..

දෙමළ “බෙලි කපන” බ්‍රිගේඩියර් ගේ වැඩ තහනම් | VIDEO

ශ්‍රී ලංකාවේ නිදහස් දින සමරුවට විරෝධය පෑ දෙමළ උද්ඝෝෂකයන්ට මරණීය තර්ජනය කළ ශ්‍රී ලංකාවේ බ්‍රිතාන්‍ය මහ කොමසාරිස් කාර්යාලයේ ආරක්ෂක කටයුතු භාර තානාපති නිලධාරියාගේ වැඩ තහනම් කොට තිබේ.
- 'වෙනස් විදියකට' ලියු තවත් වෙබ් පුවතක්

‘අපේ ජාතිය-දෙමල ඊළම.. අපේ නායක-ප්‍රභාකරන්’ කියා දොරකඩ විරෝධතා කල
කොටි රැලට තනිව අභියෝග කල අභීත බි‍්‍රගේඩියර්ගේ වැඩ තහනම් කෙරේ..[Video]February 6, 2018 at 10:38 pm | lanka C news

- ලංකා සී නිවුස්..

එක්සත් රාජධානියේ ශ්‍රී ලංකා මහකොමසාරිස් කාර්යාලයට අනුයුක්තව සිටින ආරක්ෂක කටයුතු පිළිබඳ අමාත්‍ය උපදේශකවරයාගේ (Minister Counsellor-Defence) සේවය වහාම ක්‍රියාත්මක වන පරිදි අත්හිටුවන මෙන් එහි සිටින මහ කොමසාරිස්වරියට දැනුම් දී ඇතැයි ශ්‍රී ලංකා විදේශ අමාත්‍යාංශය පවසයි.

විදේශ අමාත්‍යංශය මේ බව අද (පෙබරවාරි 06) මහ කොමසාරිස්වරියට දැනුම් දී ඇත. මේ සම්බන්ධයෙන් ශ්‍රී ලංකා යුද හමුදාව ඇතුළුව බලධාරීන් විසින් වහා පරීක්ෂණ අරඹනු ඇතැයි ද එම නිවේදනයේ සඳහන් වී තිබේ.

අදාළ නිලධාරියා ආක්‍රමණශීලී ආකාරයකින් හැසිරුනේ යැයි කියන සිද්ධියක් සම්බන්ධයෙන් සමාජ සහ අන්තර්ජාල මාධ්‍යවල සංසරණය වෙමින් ඇති වීඩියෝ දර්ශන පිළිබඳව ශ්‍රී ලංකා බලධාරීන් සිය දැඩි අවධානය යොමු කර ඇති බව ද විදේශ කටයුතු අමාත්‍යාංශය නිකුත් කර ඇති නිවේදනයේ දැක්වේ.

- BBC සිංහල නිව්ස්

BBC සිංහල නිව්ස් වෙබ් අඩවියෙන් උපුටාගත් අදාළ ලිපියේ කොටසක්.

හමුදාවෙන් වෙන මක්කා බලාපොරොත්තු වෙන්නෙයි....
- ජේෂ්ඨ/ ප්‍රවීණ බ්ලොග්කරු මාතලන්.

රායිට්.. ඔය උඩ තියෙන සේරම 'Brigadier Priyanka Fernando' නැත්නම් සිංහලෙන් 'බ්‍රිගේඩියර් ප්‍රියංක ප්‍රනාන්දු' කියල ගූගල් සර්ච් කරාම බලාගන්න පුළුවන්. තව විස්තර ඕනිනං ඔහු 2006-2009 වන්නි අවසන් මෙහෙයුම කාලේ 591 බලසේනාවට අයත් 11 වෙනි ගැමුණු හේවා රෙජිමේන්තු අණදෙන නිලධාරී ලෙස (ඒ කාලේ කර්නල්) මුලතිව් ප්‍රදේශය තුල සටන් බාරව කටයුතු කල නිලධාරියෙක්. ඒ වගේම යුද්ධය අතරතුර හා යුද්ධයෙන් පසු නිරායුධ දෙමළ ජනතාව මුදාගැනීමට හා ඔවුන්ව ආරක්ෂා කිරීමට නැවත පදිංචි කිරීමට සෑහෙන්න වැඩ කොටසක් කරලා තියෙනවා. තාවකාලික කඳවුරු වල සිටි ජනතාව හා විශේෂයෙන්ම පාසැල් ළමුන්ට ආධාර කිරීමට එකතුවුනු පරිබාහිර පුද්ගලයින් ඒ සඳහා සම්භන්ද කර දෙමින් දෙමල ජනතාව සමඟ සුහදව කටයුතු කල නිලධාරියෙක් නිසා ඔහු එම ප්‍රදේශවල දෙමල ජනතාව අතර යම් ප්‍රසාදයක් දිනාගෙනත් තියෙනවා.. රයිට්.. ඒ ගැන ඒ ඇති.

කර්නල් ප්‍රියංක ප්‍රනාන්දු එවකට යුද බිමේදී...

මගේ මේ ට්‍රයි එක ‘හමුදා නිලධාරියෙක්’ ලෙස ඔහු මේ උද්ගෝෂණය අවස්ථාවේ හැසිරුණු ආකාරය හා ඔහු ඒ වනවිට නොපෙනෙන්න ඇඳගෙන හිටිය හමුදා නිළ ඇඳුමට වඩා බොහෝ බර Diplomatic ඇඳුම අතර ගැටුම ගැන කතා කරන්නයි.

ඇත්තටම කියනවනම් මේක හමුදා නිලධාරීන් තුල තියෙන අභ්‍යන්තරික ගැටුමක්.. 

අද මේ මට්ටමේ නිළතල වල ඉන්න හමුදා නිලධාරීන් බොහොමයක් තමන්ගේ සේවා කාලය අවුරුදු විසි පහක් තිහක් සපුරපු අය.. ඒ කියන්නේ ඔවුන් 80 මැද බාගයේ ඉඳල අනුවේ මැද බාගය වගේ වෙනකම් කාලයේ හමුදාවට සම්භන්ද වෙලා සේවය කරන්නේ.. හමුදාවට නිළධාරීන් බඳවා ගන්න වයස අවුරුදු 18-22 ත් අතර.. තමන්ගේ පාසැල් අද්‍යාපනය හදාරපු ගමන් එක්කෝ උණට.. නැත්නම් රස්සාවක් ඕනි කමට.. උපරිම ඔය දෙකටම හමුදාව තෝරා ගත්තු පිරිසක්. 

වැදගත්ම දේ.. බඳවා ගත් දින සිටම ඔවුන්ව හැම අතින්ම පුහුණු කරන්නේ ‘සතුරාට’ මුහුණ දෙන්න. මේක හරිම vital පොයින්ට් එකක්.. සමහරවිට මාතලන් //හමුදාවෙන් වෙන මක්කා බලාපොරොත්තු වෙන්නෙයි// කියල බුකි ස්ටේටස් එක දාන්න ඇත්තේ මේ ගැන හිතල.. මිතුරෙකුට නැත්නම් මධ්‍යස්ථ පුද්ගලයෙකුට මුහුණ දෙන්න හමුදාවෙන් පුහුණු කරන්නේ නැද්ද? ඉස්සරහදි ඒ ගැන පොඩ්ඩක් කතා කරන්නං. රයිට් අගේන්.. ඉතිං හිරිමල් වයසෙන්ම හමුදාවට ජොයින් වෙලා තමන්ගේ භද්‍ර යෞවනය අවි ආයුද මිලිටරි සූට් බූට් එක්ක, යුද බිමේ ‘සතුරන්’ එක්ක, වෙඩි හඬ එක්ක ගත කරලා.. මිලිටරි සූට් එකෙන් කසාද බැඳලා, කඩු තුඩු යටින් පෝරුවෙන් බැහැල.. කඩුවෙන් කේක් කපල.. හමුදා නිළ නිවාස වල ජිවත් වෙලා.. හමුදා ස්කීම් එකෙන් ළමයින්ව ඉස්කෝල වලට දාල.. හමුදා වාහන වලින් ගමන් බිමන් ගිහිල්ල.. තව ගොඩක් ලියන්න පුළුවන්.. ඒත්.. ඔයාකාරයට හමුදා..හමුදා...හමුදා.. ජිවිතයට Condition කරපු නිලධාරීන් තමයි දැන් ඔය තැන්වල ඉන්නේ.. ඒ එකක්. 

ඊට පස්සේ යුද්ධය.. දෙවෙනි.. තුන් වෙනි.. සිව්වෙනි.. විදියට ඇවිත් ‘අවසන් සටනේත් හුස්මට සමවී’ නොමැරී හිටියා උනත් එකට ඉඳල ‘කුසුමක් වෙලා ළය පිපුණු’ සොයුරන්ගේ මතක හිත පාරවද්දීත් ‘රන් වැටක් ලෙස සිව්කොනේ’ ‘රෑ පුරා දැල්වුණු දේශයේ මුර දේවතා එළි’ වෙනුවෙන් ‘තුන්හෙලේ හැම අම්ම කෙනෙක්ගේම ළය කිරි එරුණු’.. ‘මව් කුසින් නොව මිහි කුසින් මෙළොව එලිය දුටු’ ‘තුන් හෙලේ මේ සිංහ පැටවූ’.. ‘අපෙන් එකෙක්..’ ‘අපි වෙනුවෙන් අපි’.. මට මතක් වෙනවා ඉස්සර හිටිය ප්‍රසන්න සංජිව තෙන්නකෝන් වගේ නමක් තියෙන ලේඛකයෙක් ලංකාදීපේ ද කොහෙද.. මිනිහා ලියන ආටිකල් කියෝනකොට ඇඟේ මයිල් කෙලින් වෙනවා.. ආයි මොනවද.. දේශානුරාගය ඕවර්ෆ්ලෝ වෙනවා.. (දැන් කොහෙද දන්නේ නෑ..කාලෙකින් දැක්කේ නෑ).. එතකොට අයි.ටී.එන්. එකේද කොහෙද හිටිය සුජිත් වගේ නමක් තියෙන ප්‍රසෙන්ටර් කෙනෙක්. හම්මේ බලන්න ඕනි අවසන් සටනේ විශේෂ අවස්ථා යුධ බිමේ ඉඳන් වාර්තා කරනකොට.. අර පුංචි කාලේ සිංහල පාඩම් පොතේ තිබ්බ ඇස් පේන්නේ නැති සියා කණවැල අල්ලන කොල්ලගේ යුද්දේ විස්තර අහල හැරමිටිය උරුක් කරන් යුද්දෙට යන්න හැදුව වගේ ආපේ ගෙවල් වල වයසක ගෑනු උන්දලා පවා යුද උන්මාදයෙන් මත් වෙනවා.. සෙල්ලං නෑ ‘රණවිරුවෙක්’ය කියන්නේ..

ඊළඟට එනවා.. කලින්ට වඩා ටිකක් සවිඥානිකව හිතන්න ඕනි වෙච්චි කාලයක්.. මොකද කොටසකට තාමත් හමුදාවේ උන් ‘රණවිරුවෝ’ම වෙද්දී තවත් කොටසකට උන්ම ‘ලයිසන් මිනීමරුවෝ’ වෙනවා. මේකට හේතු හමුදාව ඇතුලෙන්මත් නිර්මාණය වෙද්දී වඩා වැඩි හේතුන් නිර්මාණය වෙන්නේ දේශපාලනිකව.. මේ ඕනෙම හේතුවකින් එක රැයකින් රණවිරුවෙක්/ දේශප්‍රේමියෙක් විදියට හිටපු එකා ලයිසන් මිනි මරුවෙක් / දේශද්‍රෝහියෙක් වෙලා හිරේ විලංගුවේ වැටෙන්න පුළුවන්. හොඳම සහ වැදගත්ම දේ.. සත්‍ය කුමක් වුවත් මේ හැම එකක්ම සාපේක්ෂයි.. මට හොඳ එකා මගේ හොඳම යාලුවට වහ කදුරු වගේ..අන්න ඒ තරම් සරළයි කතාව. 

අන්න ඔතනයි අර හමුදා නිලධාරීන්ගේ හිත් තුල නිර්මාණය වෙන අභ්‍යන්තර ගැටලුව එන්නේ.. ඇයි යකඩෝ උනුත් මිනිස්සුනේ.. කොච්චර ‘ඔළුව කල්පනාවෙන්’ ඉන්න හැදුවත් සමහරවෙලාවට අර ‘රණවිරුවා’ උඩ එනවා.. මේක අර දොස්තර රුවන් ලියනවා වගේ PTSD තත්ත්වයක් නෙවෙයි.. May be just a brain fade moment or two.. එහෙම වෙලා මේ වගේ ‘දාර පිස්සුවක්’ කෙළියට පස්සෙත් තව ලෙඩක් එනවා.. ඒ කියන්නේ fight for pride.. නිකම්ම ඔලුව කසල සොරි සර් කියල ෂේප් වෙන්නේ කොහොමද.. 

‘යකෝ I’m a bloody one of most decorated war hero in this fucking country.. How about those days.. හමුදාවේ එකෙක්ය කියුවම මැස්සෙක්වත් උඩින් ඉගිල්ලුනේ නෑ.. Ask the bloody motherfuckers to do what they can do.. will see.. යුනිෆෝම් එක ගලෝල ගෙදර ගියත් මං කරපු දෙයක් කියපු දෙයක් වැරදියි කියල මම පිලි ගන්නේ නෑ..’ මෙන්න මේ තත්වෙට කියන ලෙඩේ නම් මම හරියට දන්නේ නෑ.. අපේ බාසාවෙන් කියුවොත් නම් Ego එක වගේ එකක් වෙන්නොනි. 

ඕකට එකතු වෙච්චි අලුත්ම ට්‍රෙන්ඩ් එක තමයි ෆේස් බුක් බැක් එක නැත්නම් රිෆියුසල් එක.. රැල්ල තමන්ගේ පැත්තට හැරුනොත් ඕනි සුනාමියකින් ගොඩ එන්න පුළුවන් බලයක් තියෙනවා මේ ෆේස්බුක් රැල්ලටත් දැන්.. සල්ලන් නෑ. 

දැන් කාගේද කොතනද වැරැද්ද?

උඩින් තැනක කියුවනේ ‘මිතුරන් එක්ක නැත්නම් මධ්‍යස්ථ මිනිසුන් එක්ක ගණුදෙනු කරන්න’ හමුදාවේ අය පුහුණු කිරීමක් ගැන.. නැත්තේ නෑ.. හමුදාවේ ඉහල නිලතල වලට යනකොට ‘නායකත්ව පුහුණු’වල ඉඳල බොහොම ඉහල මාණ්ඩලික නිළධාරී පුහුණු, අන්තර්ජාතික හමුදා කටයුතු පුහුණු, අධ්‍යයන කටයුතු, අන්තර්ජාතික සැසි, සම්මන්ත්‍රණ වගේ දේවල්, International humanitarian law, human rights, international relations, rules of engagement වගේ බොහෝ ඉහල මට්ටමේ පුහුණු ලැබෙනවා. හැමෝටම? නෑ. 

ඕනෙම හමුදාවක නිළ මට්ටමෙන් නොවුනත් නිලධාරීන්ගේ ශක්‍යතාවය මත යම් යම් විශේෂ කොටස් අඳුනගෙන තියෙනවා.. එහෙම එක කොටසක් තමයි carreer officers ලා කියල හඳුන්වන්නේ.. මේ අය සාපේක්ෂව academic පැත්තෙන් ඉදිරියෙන් ඉන්න ගමන් operational පැත්තෙනුත් ‘ජාම බේරාගෙන’ ඉන්නවා. ඒ වගේම ඉදිරියට යන්න අවශ්‍ය කරන අනිත් සුදුසුකමුත් සමහර වෙලාවට පුද්ගලික දේවල් කැප කරලා පවා ඉගෙන ගන්නවා. මොකද ඔවුන්ගේ අවශ්‍යතාවය ‘ඉහළටම’ යන්න. ඒකට වරදක් කියන්න බෑ. තව කොටසක් ඉන්නවා past glory එක මත නැත්නම් ‘ඒ කාලේ කරපු වැඩ’ මත survive වෙලා ඉන්න.. ඒ අය යම් තරමකට ඉහලට ගිහින් ගන්න පුළුවන් වරප්‍රසාද අරගෙන ‘ටුවර් එකක් දෙකක් ගිහින්’ ‘අඩියක් පුඩියක් ගහල’ පුළුවන් තරම් කාලයක් ඉඳල රැස්පෙක්ට් එකත් තියාගෙන විශ්‍රාම යනවා.. තව කොටසක් ඉන්නවා මාකට් කරන්න ලොකු හිස්ට්‍රි එකකුත් නෑ.. මහන්සි වෙලා ඉස්සරහට යන්න ඕනිත් නෑ.. තමන්ගේ ‘ටාගට්’ ටිකට යනකම් හමුදාවේ අණ පනත් නීති රෙගුලාසි එක්ක හැංගි මුත්තන් කර කර කාලේ ගෙවනවා.. තවත් කොටසක් ඉන්නවා බොහොම සාධාරණ විදියට තමන්ගේ කොටස ඉටු කරලා ලොකු සීන් මොකුත් නැතුවම නියමිත කාලේ ආවම විශ්‍රාම අරං අයින් වෙන. 

ඔය ‘carreer officers’ ලා අතරත් ඉන්නවා එක එක පැති වලට වැඩිපුර දක්ෂ අය.. සමහරු Admin වලට, සමහරු Operation වලට.. සමහරු Diplomatic Relation වලට.. ආ..න්න වචනේ ආවා.. හමුදාවලම ඉන්නවා Diplomatic Relation වලට දක්ෂ අය.. 

උපායමාර්ගිකව වැදගත් තානාපති කාර්යාල වලට Defence Attache කෙනෙක් විදියට අත්දැකීම් සහිත හමුදා නිළදාරියෙක් පත් කිරීම සිරිතක්. ඔහුගෙන් බලාපොරොත්තු වෙන්නේ දෙරට අතර තානාපති ගණුදෙනු වලට බලපාන ආකාරයේ ‘ආරක්ෂාවට සම්භන්ද’ ක්‍රියාවන් වලදී තානාපති තුමාට සහය වීම. ඔහොම කියුවට මේක හුඟක් වරප්‍රසාද සහිත වගකීමක්. පවුලත් එක්කම අදාල රටේ තානාපති වරප්‍රසාද සහිතව වසර දෙකක් පමණ සේවය කරන්න ලැබීමම කොච්චර දෙයක්ද? ඉතින් ගොඩක් දෙනෙක් ගේ හිත යට තියෙන හීනයක් තමයි ඉහලට යනකොට ‘defence attache’ පාරක් ගහන එක.. හෙහ්.. ඒකත් ඉතිං වරදක් නෑනේ.. 

හැබැයි එහෙම යන්න හීන මවන එකා.. තමන් ඒකට සුදුස්සෙක් වෙනකං ‘පුරුදු පුහුණු වෙන්න ඕනි.. කොච්චර දුරටද කියනවනම් තමන්ගේ ඉස්සරහ සිංහල මහා සෙනගක් ප්‍රභාකරන් මරල දාල කිරිබත් උයාගෙන කනකොට ඒකෙන් උද්දාම වෙලා තරු පටි උඩ දදා නටන්නේවත්.. තමුන් ඉස්සරහ දෙමළ ඩයස්පෝරා හරි මක්ක හරි එහෙක උන් ටිකක් ඇවිල්ලා.. ‘ඊළම අපේ.. ප්‍රභාකරන් අපේ නායකයා’ කියල කෑ ගහනකොට කොච්චර ඇඟේ ලේ නැටුවත්.. ‘යකෝ මම එඩිතර සිංහ’ලේ’ කොල්ලෙක්.. කපනවා තොපි ඔක්කොගෙම බෙලි’ කියල අභිනයෙන් වත් ප්‍රකාශ නොකර කොටිම්ම ‘ඩිප්ලෝමටික් ලෙවල් එකෙන්’ ඒ වගේ අවස්ථාවන්ට මුහුණ දෙන තරමට තමාවම ශික්ෂණය කරගෙන සිටිය යුතුයි. 

ඒ වගේම ඩිප්ලෝමටික් වැඩවලට හමුදා නිලධාරීන් පත්කරනකොට ඥාති, හිතවත්, මිත්‍ර සංග්‍රහ නැතුව යුධ මානසිකත්වය නැතුව කළගුණ සලකන මානසිකත්වය නැතුව ජේෂ්ටත්වයට සලකන මානසිකත්වය නැතුව ‘සුදුසු පුද්ගලයින්’ පත් කරලා යවන්න අදාළ ඉහළ නිලධාරීන් කටයුතු කරන්න ඕනි.. හෙහ්.. විහිළුවක් වගේ නැද්ද? මේ ලංකාවේ..

අවසාන වශයෙන් අපි දැන ගන්න ඕනි කාරණා කීපයක් තියෙනවා.. හැම ‘හමුදා කාරයෙක්ම’ ලයිෂන් මිනීමරුවෝ නෙවෙයි.. හැම හමුදා කාරයාම ‘සතුරාට’ මුහුණ දෙන්න විතරක් උගන්නපු මැටි මෝල්ලුත් නෙවෙයි.. ඒ වගේම හැම හමුදා කාරයාම ‘Diplomatic mission’ වලට යවන්න පුළුවන් එවුනුත් නෙවෙයි.. හැම හමුදා කාරයම රණවිරු/ බියගුළු/ දේශප්‍රේමී/දේශද්‍රෝහී විදියට ලේබල් ගහල වෙන් කරන්න පුළුවන් එවුනුත් නෙවෙයි.. සරළවම කියනවනම් හමුදාව කියන්නෙත් ලංකාවේම.. මේ අපේ සමාජයේම කොටසක්.. ඉතින් අපි වපුරන බිජ වල ඵල අපිම නෙලා ගද්දි තව කාටවත් බැනලා වැඩක් වෙයිද?

අසමසම වීරත්වයක් ප්‍රකට කල ඒ පුංචි සගයා - An officer who fought with an extraordinary feat of bravery in the presence of death

අද නොවැම්බර් නවය.. නොවැම්බර් කියන්නෙ අමතක කරන්නම බැරි මාසයක්.. එයිනුත් නොවැම්බර් නවය..

මචං..

උඹ ගැන ලියන්න හැමදාම හිතාගෙන හිටියා.. ඒත් ඒකට හිත හයිය නෑ.. අද උදේ ගමයා ෂෙයාර් කරපු ෆොටෝ එක දැක්කම කරන්ට් එකක් වැදුනා වගේ.. අදනම් කොහොම හරි උඹට ලියනවා.. ඔව්..උඹ..

Hey, Cadet, Come here! What is your name?

I'm Cadet NGCD Jayathilaka NRX 1134 sir!

Which intake?

I'm from 28th Intake sir!

Oho.. bloody 28's ah? You fuckers are bloody too smart neh? You will have nice time when you come to fleet, right.. From where are you?

I'm from Kandy sir!

Kandy? which school?

Vidyartha College, Sir!

Aha.. You played Rugby?

Yes Sir! I played Rugby during my school days.

What? But you looks a bloody baby.. he hee.. okay.. carry on!

Aye Aye Sir!

ඔව්.. බේබි.. ඒක තමයි උඹේ කාඩ් එක.. උඹට තිබ්බේ හුරුබුහුටි පොඩි එකෙක්ගේ පෙනුමක්.. 'සේහ්.. බලපන් බං මූනේ රැවුල වැවෙන්නේ නෑනේ.. නිවාඩු ගියාම ඉස්කෝලේ යන කෙල්ලෙක් දිහාවත් බලන්න බෑ.. ඇයි මල්ලි කියල තග දානවානේ..' උඹ කේකේඑස් වෝර්ඩ් රූම් එකේ ඉඳන් එහෙම හිනාවෙවී කියනවා මට මැවිලා පේනවා..

ඒත් උඹ අපේ ඉන්ටේක් එකේ හිටපු මහා හුඟක් ලොකු එකෙක්.. ඒ උඹේ දැනුමෙන්, හැකියාවෙන්, නිර්භීතකමෙන්.. ඒ ඔක්කොමත් එක්ක උඹේ වැඩ වලින්.. ඒකමයි උඹට ගමයා 'සකලඥාන' කියල වෙනම කාඩ් එකකුත් ගැහුවේ.. ඔව්.. ඒ කාඩ්ඩෙක උඹට ලෙසටම ගැලපෙනවා.. කැඩෙට් ගන් රූම් එකේදී රෑට බඩගිනි උනාම රෙඩ් හාට් අයන් එක අනිත්පැත්ත ගහල ඒක උඩ රොටි පිච්චුවේ උඹ.. අපිට හිතා ගන්නවත් බැරි විදියට ඉස්තරම් විදියට අපේ පලවෙනි ගෙට් එක නුවර එලිෆන්ට් වෝක් එකේ ග්‍රෑන්ඩ් ස්ටයිල් එකෙන් ඇරෙන්ජ් කරේ උඹ.. මතකද හේමා ගේ අම්ම නැති වෙච්ච වෙලේ? මාවත් දාගෙන නුවර ඉඳල උඹල තාත්තගේ ඩෙලිකා එකේ පිඹගෙන ගිහිං හේමා රට ඉඳල එන්නත් කලින් එතන ඔක්කොම ඇරෙන්ජ් කරේ උඹ.. එතකොට විතාරණ යා මැරුණු වෙලේ.. හ්ම්ම්.. අන්න ඒ වෙලාවට අපි බේබිලා.. උඹ අපිට පෙනුනේ යෝධයෙක් වගේ..

උඹට මතකද දවසක් අපි 'සබ්ටෙක්' එකේ ජංගල් කෑම්පින් ගිහින් ඉන්නකොට වවුනියාවේ කැලේක.. අපි දෙන්න ඩියුටි.. අනිත් උන් රෙස්ට්..තලෙයිමන්නාරම මුහුදට උඩින් පායාගෙන ආපු හඳ කටු අකුල් අස්සෙන් අපි දෙන්න එකාට එකා පිට දීල වාඩි වෙලා හිටපු ග්‍රවුන්ඩ් ෂීට් එකටත් වැටිලා තිබුන....  හීතල තුවක්කු බඳට බරදීල හිටියට අපි එක එකාගේ පිටේ නහර දිගේ දුවන ලේ අනිකාගේ පිටට දැනෙද්දී අපිට හිතලක් දැනුනේ නෑ.. ඒත් මේ මදුරුවෝ.. උඹ දන්නවා මම හිටපු ගමන් දඟලන්නේ මදුරුවෙක් විද්දම කියල.. ඒ වගේම මේ මදුරුවෝ විදිල්ල මට ඇලජික් කියලත් උඹ දන්නවා.. උඹ හිමිට පහත්වෙලා කැමා එකේ සාක්කුවෙන් මදුරු කොයිල් කෑල්ලක් අරං අවා මුවාවට පත්තු කරලා ළඟ ගහක අත්තක එල්ලුවා.. ඊළඟට අනිත් සාක්කුවෙන් සිද්දාලේප කුප්පියක් අරං 'ඉඳා මේකෙන් ටිකක් අත්වලයි මුණෙයි ගා ගනිං' කියල මට දුන්න.. ඒ මහා රෑ කටු කැලේදීත් උඹ 'සුදානම්'.. අදටත්.. ඔව්..අදටත්.. ගහක අත්තකට උඩින් හඳ පායලා තියෙන වෙලාවට.. මදුරුවෙක් කොහෙන් හරි ඇවිත් මට උඹව මතක් කරලා දෙනවා..

වාහන ගැන, කොම්පියුටර් ගැන, ඉන්ටර්නෙට් ගැන, පවර් පොයින්ට් ප්‍රසන්ටේෂන් ගැන, අලුත් ෆිල්ම්ස් ගැන විතරක් නෙවෙයි අලුත් වැල සයිට් එකක් ගැන උනත් අහගන්න අපිට මුලින්ම හිටියේ උඹ.. උඹ නිතර බිව්වේ වත් ගොඩක් බිව්වේ වත් නෑ.. උඹ වැඩියෙන්ම කරේ බීල පිස්සු කෙලින අපිව 'බැලන්ස්' කරපු එක.. අපි වෙනුවෙන්  එදාට මුහුදට ගිය එක.. ඒත් උඹට හිතුන දවසට ටිකක් බිව්වම උඹ පට්ට ආතල්.. එදාට උඹේ 'සකලඥාන' කම උතුරනවා..

අපි 2IC ල කාලේ 46 සීරිස් ඩෝරා කමාන්ඩ් කරේ හෙන 'පොරවල්'..  ඉතිං උඹට OIC කෙනෙක් වෙලා ටික දවසකිම්ම 46 සීරිස් ඩෝරා එකක් කමාන්ඩ් කරන්න හම්බ උනා කියුවම බැචා ල විදියට අපිට හෙන ගැම්ම.. අපි දන්නවානේ පොර කවුද කියල.. ඒ කියන්නේ 'ඉහළිනුත්' දැනගෙන ඉඳල තියෙනවා උඹ කවුද කියල..

ඔව්.. එදා 2006. නොවැම්බර් 09 වෙනිදා වෙනකම්ම අපි උඹ ගැන ඒ විදියට සතුටිං ආඩම්බර උනා.. එදා වෙච්චි දේ ගැන ලියන්න මම දැනගෙන හිටියේ නෑ මචං.. මේ ඒ ගැන වෙන තැනක වෙන එකෙක් ලියපු සටහනකින් කොටසක්..

(මම මේකේ 'පණ්ඩිත' සර් ගැන නොලියුවා නෙවෙයි.. උඹව මතක් වෙන හැම වෙලේම 'පණ්ඩිත' සර්වත් මතක්වෙන බව කියුවා කියපං.. )

"It was around 1500 hrs on 9th November 2006 P 416 & P461 – two fast attack craft commanded by Lt ONMR Panditharatne & Lt NGCD Jayatilake, RSP came ashore after an extensive sea patrol off the Eastern coast of Chalai. These Officers-In-Command of the two craft were renowned to be very dedicated, fearless and experienced Fast Attack Craft (FAC) Commanders. With a very high sense of duty and responsibility they instructed their crew to prepare the craft for sea to face any unforeseen and urgent eventuality, before they left the craft at one of the piers in the Kankasanthurai Naval harbour. 

No sooner they refreshed themselves and relaxed with two hot cups of tea at the wardroom, the ‘action alarm” prompted them back into their usual ‘sea rigs’, and off they bolted towards their Dvoras without delay. Having sailed and fought for the past many years they knew that every second mattered to the FAC that relieved them from patrol now at sea and involved in an ‘attack imminent’ situation. It was around 1630 hrs that P416 & P 461 joined the other FAC which were setting into battle formations to take on a cruising LTTE cluster of 10 – 12 attack craft and 03 suicide craft heading for KKS harbour from the then enemy held coast of Chalai. 

The two battle hardened crews of P416 & P461 took up stations in the battle formation and all SLN FAC decided to take on the enemy head on before they closed in on KKS harbour where few ships with essential cargo for humanitarian missions and some military cargo were lying. If the explosive laden – suicide craft broke through the Naval defence line and cruised into the Naval harbour all hell would have broken loose. Then the SLN craft, sticking to their primary classic role as the first line of defence of Sri Lanka, decided to open fire at the enemy craft coming at them in full swing with suicides lined up couple of meters behind them. It was the sea tigers’ usual strategy to cover their deadliest weapon – suicide craft, from the Naval gunfire until SLN craft are hit & stranded with less or no manoeuvrability, with few guns operating effectively, and then unleash their deadly suicide craft. This is a threat which no Navy in the world has ever encountered in an open Naval combat with any kind of Naval force in the entire Naval history recorded so far. 

In a Naval battle no commander of a vessel ever asks his comrade sailors to go forward, but  takes them forward with him. He keeps his head up always despite the deadliness of the volume of fire projected at him from the enemy's heavy & medium calibre machine guns. He takes decisions standing in the line of fire with the last protection of Armour on an unfriendly medium – water. More importantly he is the last to leave the craft when everything fails, or usually will take the noblest manner of death as a captain of a Naval Warship going down with the sinking vessel. Such was the fierceness of a Naval Battle the Sri Lanka Navy fought for the past 3 decades to liberate this country from the clutches of LTTE barbarism."

මේ යුද්දේ උඹලට අලුත් දෙයක් උනේ නෑ.. කොටිම්ම.. ලෝකේ කිසිම නෙවි එකක් 'සුවිසයිඩ් බෝට්ටු' එක්ක යුද්ධ කරලා නෑ.. ඒත් ඒකවත් උඹලට අපිට අලුත් දෙයක් වුනේ නෑ.. අපි ඉගෙනගෙන තිබුනේ කොල්ලෝ ඉස්සරහට දාල පස්සේ ඉඳන් 'ඕඩර්' දෙන්න නෙවෙයි.. කොල්ලෝ ටිකත් එක්ක ඉස්සරහට ගිහිං යුද්දෙට මුණ දෙන්න.. නැවේ ජූනියර්ම එකාටත් බොඩි ආමර් එක දාල ඉවර උනාම තමයි OIC බොඩි ආමර් එක දාගෙන්නේ.. උඹේ crew එක මෙච්චර උඹට ලෙන්ගතු උනේ උඹ උන්ගේ හැබෑ නායකයා වෙච්චි නිසා.. උන් දැනගෙන හිටියා 'සර්ගේ' එක නහරෙක හරි පණ තියෙනකං උඹ උන්ව රකිනවා කියල..උන්ට විතරක් නෙවෙයි.. උඹත් එක්ක එකට යුද්දෙට ගිය අනිත් ඕනෙම එකෙක් දැනගෙන හිටියා උඹේ අන්තිම හුස්ම ටික තියෙනකං උඹ උන් එකෙක්ව වත් තනි කරන්නේ නෑ කියල..

As the sun set in the Northern seas of Sri Lanka on that fateful day, many lives went down, making the supreme sacrifice for their motherland. Lt Mudeep Panditharathne, NRX 0954, was always an honourable Officer and died a Naval Officer’s noble death when P 416 settled down in the Davy Jones's Locker (Seabed) off Thondamanaru, KKS and Lt Chinthaka Jayathilake, Commanding P 461 showed sheer courage and comradeship by attacking the advancing enemy fleet in an extraordinary feat of bravery. P 461 along with its Commander and crew went down fiercely protecting P416 which had lost its controls and was moving at a very low speed.

Lt Chinthaka Jayathilake was born on 13 November 1976, into a family of six where he had one elder sister and two younger brothers. Chinthaka had his education at Vidyartha College, Kandy where he excelled as a keen sportsman and represented Vidyartha in Cricket. He joined the Navy on 04 August 1997 as an Officer Cadet of the 28th Intake of the Naval and Maritime Academy. He was known for honesty, comradeship and above all bravery both by his contemporaries and seniors as well.

These valiant Officers had one thing in common - they considered dignity was more precious than life. They fought for freedom, comradeship, pride and honour and by many means they were unmatched to many of us who are among the living today. Three long years have passed without their valuable companionship yet the beautiful memories of these true heroic sons of our time will be deeply cherished in the hearts and minds of the grateful people of Sri Lanka. 

Some gave all and all gave some

Some stood true for our land so true

And some had to fall…

When we always think of them 

Let us think of all our liberties

And recall

That some gave all… (Sir Billy Ray Cyrus)

Photo credit goes to Cdr (SBS) Chatura Gamage of SL Navy

උඹ ගැන අදත් ආඩම්බරයි මචං.. ඒත් සතුට කියන තැනට ලොකු දුකක් හිස් බවක් එකතු වෙලා.. වයස අවුරුදු තිහක් වෙන්න දවස් හතරකට කලින්.. කාලයක් තිස්සේ පෙරුම් පුරලා හොරෙන් ලව් කරලා අන්තිමේ ගෙදරින් කැමැත්ත ලැබිච්ච කෙල්ලගේ අත ගන්න වෙඩින් එකට දවසුත් දාගෙන ඉද්දි.. ශරීරෙන් පුංචි උඹ යෝධයෙක් වගේ මහා පිම්මකින් පස්සේ අපිව දාල ගියා.. 

එදා උතුරේ මුහුදේ වෙඩි හඬින් අකම්පාල වෙච්චි මහා රලගෙඩි ඇවිත් කන්කසන්තුරේ හාබර් එකේ ගල් වැටි දිගේ ඔළුව ගහ ගහ මහා හඬින් හඬා වැටුනා.. උඹව හඟ ගත්ත පේදුරුතුඩුවේ මුහුද අපේ ප්‍රශ්න වලට දෙන්න උත්තර නැතුව වගේ සදාකාලේටම ගොළු උනා.. උඹල අම්ම, තාත්තා.. අක්ක, මල්ලිල.. එතකොට අර අහිංසක කෙල්ල.. උන් පොළොවේ හැපී හැපී ඇඩුව උඹ මැරුණ කියල විශ්වාස නොකර..

ඒත් උඹ.. අපේ ආදරේ, හිතවත්කම්, නෑකම්, යාළුකම් වෙනුවට 'සදාකාලික වීරත්වය' තෝරගත්ත.. ඔව්.. මැරෙන බව දැන දැන.. මැරෙන බව දැන දැන.. උඹ.. යෝධයෙක් වගේ.. අපි හැමදාම දැකපු අර මහා පුරුෂයා වගේ.. කන්කසන්තුරේ වරාය එහෙම නැත්නම් උතුරු මුහුදේ අපේ ආධිපත්‍ය විනාශ කරන්න ආපු ඒ මිලේච්ඡ සතුරු බෝට්ටු ඉදිරියට ගියා.. එහෙම වීරකම් හැමෝටම කරන්න බෑ බං.. අපි උඹට ආදරේ ඒකයි..

උඹට ජය!

මම කල්ලා...

මහා මුහුද මැද ගිලිහුණු රන්වැටක අඳුරු මතක.. War, it ain't nothin' but a heartbreaker - 3

මේක ලියන්න ගත්තේ පහුගිය අවුරුද්දේ මැයි මාසේ.. ඒ උනාට ලියන්න බැරි උනා.. ඒක බොහොම සාමාන්‍ය දෙයක්නේ ඉතිං. මේකේ දෙවෙනි කොටස විදියට එකක් ලියුවත් ඒකෙ මුලින් කියන්න බලාපොරොත්තු වෙච්චි කතාවට අදාලව කිසිම දෙයක් ලියවුනේ නෑ.. එකත් ඉතින් බොහොම සාමාන්‍ය දෙයක් තමයි.. බලමු අදවත්..

2001 අප්‍රේල් මාසේ අවුරුදු දවස්වල අපි හිටියේ කන්කසන්තුරේ.. එතකොට මම P 495 ඩෝරා එකේ දෙවෙනියා.. මගේ ලොක්ක උනේ ලුතිනන් කමාන්ඩර් රජීව් සේනාරත්න.. ඔහු ගැන වෙනම ලියන්න ඕනි.. රජිව් සර් මුලින්ම ඩෝරා එකක OIC කෙනෙක් වෙලා ආවේ එතකොට මම දෙවෙනියා විදියට හිටපු P 442 ඩෝරා එකට.. රියර් අද්මිරාල් සින්නයියා තමයි ඒ කාලේ ඩෝරා බලඝණයේ අණ දෙන නිලධාරී හෙවත් CO. පස්සේ රජිව් සර් 495 ඩෝරා එකට මාරු වෙලා යනකොට මාත් ඒ එක්කම ඒකට ගියා. 495 එක MSIS (Multi-sensored stabilized integrated System) කියන වෙපන් සිස්ටම් එකත් එක්ක කපල් කරපු මි.මි. 23 Typhoon වර්ගයේ ප්‍රධාන අවියක් සවි කරපු ඒ දවස්වල විදියට නවීනතම යාත්‍රාවක්.. Attack එකක් වෙලාවට ඒ වෙපන් සිස්ටම් එක කන්ට්‍රෝල් කරන්නේ ඩෝරා එකේ දෙවෙනියා.. ඉතිං සාමාන්‍යයෙන් ඒ වගේ ඩෝරා එහෙකට තව අමතර නිලධාරියෙක් (3rd Officer in Command- 3IC) කෙනෙකුත් ඉන්නවා. අපිත් එක්ක හිටිය 3IC මගේ ජුනියර් බැච් එකේ.. බලපිටියේ සොයිසා කෙනෙක්.

A fully equipped Ultra Fast Attack Craft (UFAC) with MSIS and Typhoon

MSIS with Day vision Camera, Night Vision Camera and Laser range finders etc.

A MSIS turret fitted on a ship mast 

Attack එකක් වෙලාවට ඩෝරා එකක මේ OIC- 2IC සම්භන්දතාවය හරිම වැදගත්.. අනිත් crew එකත් එක්ක තියෙන සම්බන්ධතාවයත් වැදගත්.. නමුත් attack එකේ scale එක හා OIC ගේ tactical maneuvers ගැන හොඳම විව් එක තියෙන්නෙත්, ඒ අනුව ප්‍රධාන අවිය හසුරුවන්නෙත්, සෙසු අවි හැසරවිම සඳහා උපදෙස් දෙන්නේත් (Gun Comm හරහා) දෙවෙනියා නිසා මේ අවබෝධය crucial. කාලය බොහොම සීමිතයි ඒ වගේම ගොඩක් කතා කරන්න කියන්න ගියාම පැටලෙන්ඩ, වරදින්න හා පැනික් වෙන්න තියෙන අවස්ථාව වැඩි නිසා attack එකක් වෙලාවට අපි දෙන්න කතා කරන්නෙම නැති තරම්.. එක බැල්මකින් නැත්නම් වීල් එක හසුරුවන කෙනාට දෙන ඕඩර් එකකින් එහෙමත් නැත්නම් එක 'කුණුහරුපයකින්' ඊළඟ ඇක්ෂන් එක මොකක්ද වෙන්න ඕනි මොකක්ද කියල දැනගන්න පුළුවන්..

වතාවක් අපි පොයින්ට් පේදුරු මුහුදේ පැට්‍රොල් එක තව එක ඩෝරා එකක් එක්ක.. එතකොට නාගර්කෝවිල් වලට එනකම් කොටි ලයින් එක.. නාගර්කෝවිල් වලට පොඩ්ඩක් උඩින් මනල්කාඩු වල අපේ තිබ්බ අන්තිම ඩිෆෙන්ස් ලයින් එක.. මුහුදෙන් ගොඩ බිමට කිට්ටු කරන්න පුළුවන් මනල්කාඩු හරියට විතරයි.. ඊට පහලට ගිහින් ලං උනොත් ගොඩබිම තියෙන MBT වලින් කන්න වෙනවා.. ඔය පේදුරුතුඩුව ට එළියෙන් මුහුදේ එක දිගට ගල් වැටියක් තියෙනවා හැතැක්ම හතරක් 5ක් ඈතින් ගොඩබිමට සමාන්තරව.. ඉතින් ඔය ගල් වැටියට ඇතුලෙන් ගොඩබිමට කිට්ටුව අපි ඩෝරා දෙක ඉහල පහල යාත්‍රා කරමින් නාගර්කෝවිල්, වෙත්තිලකර්නි, චලෙයි, චුන්ඩිකුලම් ඉඳල මුලතිව් වෙනකම් මුහුද දිහා ඇහැ ගහගෙන ඉන්නවා.. ඇහැ කියුවට රේඩාර් එක තමයි ඉතීම්..

ඔහොම ඉද්දි දවසක් නාගර්කෝවිල් සහ වෙට්ටිලකර්නි වලින් එකදිගට කොටි බෝට්ටු මුහුදට දාන්න ගත්තා.. සාමාන්‍යයෙන් මෙහෙම කරන්නේ මුලතිව් හෝ චලෙයි පැත්තට ආයුධ හෝ වෙනත් භාණ්ඩ අරගෙන බෝට්ටු එන්න තියෙන වෙලාවට අපේ අවධානය වෙනස් කරන්න එහෙම.. ඒ වගේ වෙලාවට උන් කරන්නේ ගොඩබිම ඉඳල හැතැක්ම 5-6ක් එලියට ඇවිත් වටේ පිටේ තියෙන ඩෝරා ටික එතනට ගෙන්නාගෙන සෙල්ලමක් දාන එක. අපි අහුවෙයි ඕවට.. ඒත් එදා බෝට්ටු එහෙම ගොඩබිමින් එලියට ආවේ නෑ. ගොඩබිමට කිට්ටුවෙන්ම එක ළඟ ගුලියක් වගේ පේනවා මිසක් රේඩාර් එකෙන් පැහැදිලිව පෙන්නේ නෑ.. අපි මේ ගැන උතුරු නාවික විධානයේ ආඥාපති තුමාව දැනුවත් කරාම එතුමා අවශ්‍ය කටයුතු කරලා හදිසි අවස්ථාවකට සුදානම් කරා මුළු නාවික විධානයම සැනෙකින්.. එතකොට එදා ශක්ති සහ තවත් නැවක් ට්‍රින්කෝ වල ඉඳල KKS වලට එමින් තිබුනේ අත්‍යවශ්‍ය ද්‍රව්‍ය හා හමුදා සාමාජිකයෝ අරගෙන.. සමහරවිට මේ ඒ නැව් වලට පහරදීමකට සුදානමක් ද නොදන්නා නිසා ඒවාටත් මේ ගැන දැනුම් දීලා අවශ්‍ය සුදානම් වීම කරලා තිබුනා. ඒ වගේම අපේ උදව්වට තව ඩෝරා යාත්‍රා කිහිපයක් පේදුරු තුඩුව මුහුදුටත් යාත්‍රා කරමින් තිබුනා..

නමුත් එදා මේ සිටුවේෂන් එක ගැන මටවත් රජිව් සර් ටවත් සෑහීමකට පත්වෙන්න බැරි උනා. එතන ඊට වඩා යමක් සිදුවෙන බව අපිට වැටහෙමින් තිබුනා.. මේ වෙනකොට action station හෙවත් සියලු දෙනා තම තමන්ගේ අවි ආයුධ වලට වෙලා පුර්ණ යුධ අවස්ථාවකට සුදානමින් හිටියේ.. මමත් ගන් කම්පියුටර් එක ඉස්සරහා වාඩිවෙලා MSIS කැමරාවෙන් කොටි බෝට්ටු පැත්ත නිරීක්ෂණය කරන්න උත්සාහ කරාත් ඉර බැහැගෙන යන වෙලාවේ දකුණ/ බටහිර පැත්ත බලන්න තියෙන අමාරුව නිසා පැහැදිලි පින්තුරයක් ගන්නත් බැරුව හිටියේ.. රේඩාර් යන්ත්‍රයත් කැමරා මොනිටර් එකත් දිහා මාරුවෙන් මාරුවට බල බල හිටපු OIC එකවරම 'Steer south- වන්-එයිට්-සීරෝ' කියල එන්ජිං දෙකම ස්පීඩ් අප් කරා.. මම දන්නවා මේ යන්නේ කොටින්ගේ මුහුදු සීමාවට මේ ගැන පැහැදිලි විස්තරයක් බලා ගන්න කියල.. ඉතින් මමත් හැකි ඉක්මනින් කැමරා එක නාගර්කෝවිල් මුහුදු සීමාවට මානාගෙන සුදානම් උනා.. අනිත් ඩෝරා එක මනල්කාඩු වලට එළියෙන් නතර කරලා අපි මුහුද අයින දිගේ නාගර්කෝවිල් පැත්තට ගියා.. කොයි වෙලාවේ MBT එන්ගේ ජ් කරයිද නම් දන්නේ නෑ..

ගියා තමයි.. අම්මට සිලි වෙනවා.. එක පොකුරට බෝට්ටු විස්සකට වැඩියි මුල් cluster එකේ. දහයක් විතර හෙන පත සයිස් Attack craft. ඩෝරා එහෙකට වැඩිය ඕනිනම් පොඩ්ඩක් පොඩි ඇති. තව පොඩි බෝට්ටු කිහිපයක් හා suicide craft කීපයක් ඒ අතර.. අපි එන වගේ වගක් නැතුව උන් එක cluster එකට මුහුද අයිනෙම්ම පේදුරු තුඩුව පැත්තට එනවා හෙමි හෙමීට.. අපි ඒ බෝට්ටු පහුකරලා තව පහලටම ගියා.. එතනත් ඒ වගේම cluster එකක්.. වේගෙන් උඩට එනවා පලවෙනි group එකට සෙට් වෙන්න බලාගෙන වගේ.. පුදුමේ කියන්නේ මේ ගෘප් දෙකෙන් එකක්වත් එහෙම නැත්නම් ගොඩ බිම ඉඳලාවත් තනියම උන්ගේ රේන්ජ් එකට ගිය අපේ ඩෝරා එකට කිසිම ප්‍රතිචාරයක් දැක්වුවේ නෑ. අපි මේ විස්තරත් ඔක්කොම ඉහලට දැනුම් දීල ආපහු හරවාගෙන මනල්කාඩු ඉස්සරහට ඇවිත් අපේ යුනිට් එක්ක එකතු උනා. ඒ වෙනකොට අපේ ඔක්කොම ඩෝරා 6ක් විතර.. MSIS හයි කරපු නයිට් ෆයිටින්ග් වලට ගැලපෙන ඒවා තිබුනේ තුනක් වගේ.. තව ට්‍රින්කෝ වලින් හා මැනාර් සයිඩ් එකේ තිබ්බ ඩෝරා කිහිපයක් අපිත් එක්ක එකතුවෙන්න එන ගමන්.

අපි ලයින් එකක් හදල මනල්කාඩු වලට ටිකක් පහලට වෙන්න බැරියර් එකක් ෆෝම් කරා. ටික වෙලාවකින් එනමි ක්ලස්ටර් දෙකම එකතු වෙලා තනි යුනිට් එකක් වෙනවා අපි බලාගෙන.. ඊට පස්සේ හෙමි හෙමින් උඩට එනවා.. අපි මුලින්ම මේ ගෘප් එකට එන්ගේජ් කරනකොට කළුවර වැටෙන්න ඇවිත්. ඒ වෙනකොට අපි දෙගොල්ලම PPD චැනල් එක ඇතුලේ .. කලින් කියපු ගල් පරය නිසා අපිට බෝට්ටු හරවන්න පුළුවන් බොහොම සිමා සහිතව.. ඒ වගේම මෙතැනදී enemy අපිව out number කරනවා වැඩි බෝට්ටු ප්‍රමාණයකින්.. නමුත්, surprisingly, අපි attack කරනකොට උන් පොඩ්ඩක් එහෙට මෙහෙට වෙඩි තියනවා මිසක් අපිට ඇටැක් කරන්න මහන්සි වෙන්නේ නෑ. දිගටම උන්ගේ ටාස්ක් එකට යනවා විතරයි.  මේක හරිම වොරියින්ග්. මේ විදියට ටිකක් වෙලා යනකොට මුන්ගේ movements වලින් සහ intelligence වලින් අපිට තේරුනා මුන් මේ යන්නේ KKS හාබර් එකට කියල..

හාබර් එක ඉස්සරහ MV Ruhunupura නැව ඇන්කර් කරලා unloading කරනවා.. වැරදිලා හරි රුහුණුපුර ට සුවිසයිඩ් එකක් ගහල හාබර් මවුත් එකේ ගිලුනොත් KKS හාබර් එක ඉවරයි. KKS හාබර් එක ඉවරයි කියන්නේ යාපනේ ඉවරයි.. බොහොම සිම්පල් විදියට එහෙම හිතුවට මේක මහාම මහා බයානක අවස්ථාවක්.. පොයින්ට් පේදුරු වලින් හැරුනාම KKS හාබර් එකට තියෙන්නේ හැතැක්ම දොළහයි. සුවිසයිඩ් බෝට්ටුවකට එක ඩෑෂ් එකෙන් රීච් කරන්න පුළුවන් විනාඩි 15ක් ඇතුලත.. ඒ කියන්නේ මේ ගෘප් එක තව හැතැක්ම 3-4ක් මෙහෙම ගිහිං පොයින්ට් පේදුරු වලින් ටර්න් කරාම මුන්ගේ මේ සියලු ටැක්ටික්ස් වෙනස් වෙනවා.. එක ටීම් එකක් ඩෝරා එක්ක එන්ගේජ් වෙයි. අනිත් ටීම් එක කෙලින්ම KKS පැත්තට අදියි.. ගියෝත්නම් පුතා ලොවෙත් නවත්වනවා බොරු..!

අපි ආයිම වතාවක් ඕගනයිස් වෙලා attack run එකක් කරා.. ඒත් බෝට්ටු තිහකට වැඩිය තියෙන හොඳට ඔගනයිස් වෙලා යන මේ cluster එකට එහෙම attack කරන්න බෑ කියල අපිට තේරුණා. වෙන තැනකනම් ගොඩ බිමින් ෆයර් සපෝර්ට් ගන්න තිබ්බ.. මේ තැනෙ හැටියට ඒකත් බෑ. ගොඩින් ගැහුවොත් අපි දෙගොල්ලම අනතුරේ. ඉක්මණින් තීරණයක් ගන්න ඕනි.. මම OIC දිහා බැලුව.. ඔහු කිසිම කලබලයක් නැතුව සෙට් එක අතට ගත්තා..

"මේ ගෘප් එක මෙහෙම තනි ක්ලස්ටර් එකට ඉන්නකං අපිට මුන්ට ගහන්න බෑ. මම ඇතුලට යනවා.. එහෙමෙහෙ වුනාම උඹල වෙන වෙනම එන්ගේජ් කරපල්ලා"

ඊළඟට වෙන්න තියෙන දේ ගැන මට අමුතුවෙන් කියන්න ඕනේ උනේ නෑ.. මම ගන් කොම් එක අතට ගත්තා..
"අපි මුන්ගේ ලඟට ටිකක් කිට්ටු කරනවා- මම මුලින් එන්ගේජ් වෙනකම් ඉඳල වටේ පිටේ පේන්න තියෙන ඔක්කොටම ගහපල්ලා.. මම කියනකම් ෆයර් එක නතර කරන්න එපා...."

මම හොඳට හරි බරි ගැහිලා ගන් කැමරා එක ඉස්සරහා වාඩි උනා..

"ස්ටියර් ටූ-වන්-සීරෝ" ..

"ටූ-වන්-සීරෝ සර්" වීල් එකේ හිටපු LME (Leading Engineering Mechanic) ඕඩර් එක කන්ෆර්ම් කරා..

"ලං වෙනකං එන්ගේජ් කරන්න එපා" කාලෙකින් OIC ගෙන් මටත් උපදෙසක් ලැබුනා.. සාමාන්‍යයෙන් අපි මේන් ගන් එකෙන් එන්ගේජ් වෙන්න පටන් ගන්නේ මීටර් 2000-2200 වගේ රේන්ජ් එකේදී.. එහෙම ගිහින් 1000-1200 විතර ලං වෙනකොට හරවාගෙන එනවා.. එදා මම LRF එක (Laser range finder) එක ඔබ ඔබ හිටියා ළඟම පෙනුන කොටි බෝට්ටුව මීටර් 1000ක් විතර වෙනකම් ලං වෙනකම්.. ඒ වෙනකොට අපේ ඩෝරා එක 'පිස්සු හැදිච්ච කඟවේනෙක්' වගේ කොටි බෝට්ටු ක්ලස්ටර් එක අස්සට කඩා පනිමින් හිටියේ.. මගේ කැමරා මොනිටරේ පුරවලා දැන් කොටි බෝට්ටු.. අලගෙඩි වගේ.. ඒ වෙනකොට බෝට්ටුවේ එළියේ හිටපු කොල්ලන්ටත් තමන්ගේ ඉස්සරහා තියෙන බෝට්ටු වල ඡායාව හොඳින්ම පේන්න තරම් අපි කිට්ටුවෙලා.. මට මොහොතකට මුළු ලෝකෙම අමතක උනා කියුවොත් හරි.. හිත ඇතුලෙන් යකෙක් කෑගහනවා..

'Waste the bloody motherfuckers!!!'

මම 23mm Typhoon එක engage කළා.. ඒ එක්කම මුළු ඩෝරා එකම එකම වෙඩි හඬකින් දෙදරලා යන්න පටන් ගත්තා.. ටාගට් ට්‍රැක් කරන්න, රේන්ජ් සිලෙක්ට් කරන්න ඒවා මොකුත් නෑ.. මම ගන් එක මුහුදට පැරරල් තියල මගේ ෆයරින් ආර්ක් එක ඇතුලේ මිලිමීටර් විසි තුනේ බෝම්බ වරුසාවක් වැපිරුවා.. ඒ එක්කම වගේ 'ටින්- ටින්- ටින්..' ගාලා ඩෝරා එකේ ඇලුමිනියම් බඳ හිල්වෙන සද්ද ඇහෙන්න ගත්තා..

"හාර්ඩ පෝට්..."

"හාර්ඩ පෝට් සර්.." LME බෝට්ටුව හරවනවත් එක්කම එක පාරම බෝට්ටුවේ වේගය බාල වේගන ගියා..

"ස්ටාර්බඩ් එන්ජිම නතර උනා සර්" LME කෑ ගහනවා..

"උඹ පහලට පලයන්.. මම වීල් එක ගන්නම්.." මම ගන් කම්පියුටර් එක අතෑරලා වීල් එකට පැන්න..

තනි එන්ජින් එකෙන් දුවනකොට වීල් එකෙන් ගෙනියන්න අමාරුයි. ඊට ලේසියි එන්ජින් කොන්ට්‍රෝල් යුනිට් එකෙන් steer කරන එක.. මම වීල් එකෙන් කන්ට්‍රෝල් අයින් කරලා පෝට් එන්ජින් කන්ට්‍රෝල් යුනිට් එකෙන් ඩෝරා එක එනමි ක්ලස්ටර් එකෙන් එළියට ගත්තා හිමි හිමිට.. ඒත් ඉස්සරහා ඇණිය බරට යට යනවා තේරෙනවා..

"බෝසන් ස්ටෝර් එකට වතුර පිරෙනවා වගේ.. වෝටර් ටයිට් කරලා ගිහින් ඇතුලෙන් වටේම බලපන් තව කොහෙද වතුර දාන්නේ කියල" මම සොයිසා ව ඒ වැඩේට පිටත් කරා..

"මගේ ස්ටාබඩ් එන්ජින් එකට වැදුනා.. මම හෙමිට එලියට ගන්නවා.. දැන් මුන්ගේ ක්ලස්ටර් එක කැඩිලා උන් අනාථ වෙලා ඉන්නේ.. උඹල වෙන වෙනම අරං එන්ගේජ් වෙයල්ලා.. මම මෙහෙමම හාබර් එකට අදිනවා.. "
OIC සෙට් එක අරන් ජයග්‍රාහිව කියුව..

කොහොම හරි Damage Control කරගෙන තනි එන්ජින් එකෙන් අපි KKS එනකොට කොටි බෝට්ටු ආපහු හරවලා පහු බහින්න පටන් අරං.. ඒ වගේ Planned Attack එකක Command and Control නැතුව ගියාම මූලික අවස්ථාවේ තියෙන පහසුකම් එක්ක සටන් කරන ත්‍රස්තවාදී කණ්ඩායමකට අතරමගදී ආපහු අර මුලින් වගේ ඔර්ගනයිස් කර ගන්න බෑ. P 495 අපි එදා කරේ ඒ දේ.. මේ වගේ බොහෝ සිද්දි 495 ඩෝරා එකත් එක්ක මතකෙට එනවා..

P495 අපට අහිමිවෙච්චි දවසේ කතාව ආයේ දවසක කියන්නම්. ජයවේවා!

රියර් අද්මිරාල් ට්‍රැවිස් සින්නයියා.. A master to be the Commander; Far side of SL Navy

නිලන්ත ඉලංගමුව ගේ සටහනක්..

තවත් දින කිහිපයකි. ඒ නව නාවික හමුදාපතිවරයකු සේනාධිනායක මෛත්‍රිපාල සිරිසේන මහතා විසින් පත් කිරීම සඳහාය. වත්මන් නාවික හමුදාපති වයිස් අද්මිරාල් රවීන්ද්‍ර විජේගුණරත්න මහතාගේ විශ්‍රාම යෑම එළඹෙන සතියට යෙදී තිබීම මූලික කොට ගනිමින් නව නාවික හමුදාපතිවරයා පත්කිරීම සඳහා මූලික අවශ්‍යතාවය මතු වී තිබේ.

නාවික හමුදාවේ ජ්‍යෙෂ්ඨත්වය අතින් මීලඟට සිටින නිලධාරියා වන්නේ රියර් අද්මිරාල් ට්‍රැවිශ් සින්නයියා මහතාය. ඔහු මීලඟ නාවික හමුදපාතිවරයා බවට පත් කිරීම හෝ වෙනත් තෝරාගත් ජ්‍යෙෂ්ඨ නිලධාරියෙකු අදාළ තනතුර සඳහා පත්කිරීම රටේ නායකත්වය මත පැවරී ඇති වගකීමකි.

මීලඟ නාවික හමුදාපතිවරයා පත් කිරීම සම්බන්ධයෙන් ජනාධිපති මෛත්‍රිපාල සිරිසේන මහතා හමුවේ ඇති වගකීම සුළුපටු නොවේ. එය ඉතාම භාරධූර කාර්යයක් වන අතර රාජ්‍යය තාන්ත්‍රික මට්ටමින් ඉතාම වැදගත් මෙහෙවරක් මෙම පත්කිරීම ඔස්සේ සිදුවේ. එහි මූලික වගකීම පැවරී ඇත්තේ සේනාධිනායකයාට මෙන්ම ඔහු වටා සිටින රට වෙනුවෙන් අවංක කැපවීමෙන් කටයුතු කරන ඉතාම සුළු පිරිසටය. දක්ෂයෙකුට කෙසේ හෝ වල කපා සතුටු වන පිරිසට නොවේ. එසේම අග්‍රාමාත්‍යය වික්‍රමසිංහ මහතාටද මෙහිදී පැවරී ඇති වගකීම ඉතාම තීරණාත්මක වේ. ඔවුහු විසින් රටට සහ රටේ අනගාතයට වැදගත්වන සාදාරණ තීන්දුවක් ගනු ඇතැයි විශ්වාස කරමු.

ජ්‍යෙෂ්ඨත්වය අතින් මීලඟට සිටින නිලධාරියා සම්බන්ධයෙන් තුළනාත්මක අදහස් දැක්වීමක් අත්‍යවශ්‍යය යැයි සිතේ.  මන්ද, ට්‍රැවිශ් සම්බන්ධයෙන් රටේ ප්‍රධාන ජනමාධ්‍යය ඇතැම් අවස්ථාවලදී සත්‍යයෙන් තොර වාර්තා මෙන්ම විකෘති කරනු ලැබූ වාර්තා පල කිරීම සැබවින්ම කනගාටුදායක කාරණයක් වන හෙයිනි. විශේෂයෙන් එවකට නැගෙනහිර නාවික බලගණයේ ප්‍රධානියා ලෙස කටයුතු කරනු ලැබූ රියර් අද්මිරාල් නීල් රොසයිරෝ මහතා කොළඹට මාරු කොට ට්‍රැවිශ් නැගෙනහිර නාවික ආඥාපතිවරයා ලෙස පත්කිරීම බොහෝ දෙනෙකුගේ දෑසට ඉදිකටුවලින් අනින්නාක් බඳු විය. ඒ නිසාම ඔහුට එරෙහිව විවිධ කැලෑ පත්‍ර ලියවුණා පමණක් නොව ඔහු නාවික හමුදාවට කළ සේවය එමඟින් ලඝු කොට තැකීමට බොහෝ දෙනෙකු කටයුතු කරනු ලැබීය. එම මූලික කාරණයට යටත්ව,  මෙම කෙටි සටහන ඔහු සම්බන්ධයෙන් ලිවීම අත්‍යවශ්‍යය බව මෙම ලේඛකයාගේ පෞද්ගලික අදහස වේ. එසේම, ශ්‍රී ලංකා නාවික හමුදාව සම්බන්ධයෙන් පසුගිය කාල වකවානුව පුරා රටේ පුවසියෙකු ලෙස කළ අදහස දැක්වීම සමාලෝචනය කිරීමට මෙය ඉතාම උචිත අවස්ථාව ලෙස පෙනේ. එය ඉදිරි දින කිහිපය තුළදී සිදු කිරීමට බලාපොරොත්තු වෙමි.

රියර් අද්මිරාල් ට්‍රැවිශ් සින්නයියා, ශ්‍රී ලංකා නාවික හමුදාව බිහිකළ අග්‍රගණය නාවිකයෙකු බව බොහෝ දෙනෙකු දන්නා නමුත් විවිධ දේශපාලන අවශ්‍යතාවයන් හේතුවෙන් හිතා මතාම අමතක කරනු ලබන කාරණයකි. එය ස්වභාවික තත්වයක් වන්නේ අනෙකුත් බොහෝ ආයතන මෙන්ම ශ්‍රී ලංකා නාවික හමුදාවද කලාන්තරයක් තිස්සේ උග්‍ර ලෙස දේශපාලනීකරණය වීම හේතුවෙනි.

විශේෂයෙන් හිටපු නාවික හමුදාපති විශ්‍රාමික අද්මිරාල් දයා සඳගිරි මහතා විසින් ඇතිකරනු ලැබූ අසංවිධාන පරිපාලන රටාව ආයතනය පුරා පිළිකාවක් මෙන් පැතිරුණු අතර, ඉන් ආයතනයට තිබු සැබෑ ගරුත්වය මෙන්ම විනය පිරිහීමට ලක් විය. ඉන් පසු නාවික හමුදාව බිහිකළ හමුදාපතිවරුන් අතර විශ්‍රාමික අද්මිරාල් කරන්නාගොඩ මහතා සහ වත්මන් නාවික හමුදාපති රවීන්ද්‍ර විජේගුණරත්න මහතා හැරෙන්නට බොහෝ දෙනෙකු දේශපාලන ආවතේවකරුවන්ගේ භූමිකාවෙන් ඔබ්බට ගමන් නොකළහ. විශ්‍රාමික අද්මිරාල් තිසර සමරසිංහ මහතා ඉතාම විනයානුකූල චරියක් වූවා සේම ඔහු බොහෝ දෑ තම “සෞඛ්‍ය” උදෙසා හිතාමතාම අමතක කිරීමට තීන්දු කොට කටයුතු කළ නිලධාරියෙකි.

එම අසංවිධානාත්මක පරිපාලන රටාව නිසා විශ්‍රාම යෑමට දින කිහිපයක් තිබියදී තමන්ගේ හෝ තම දුවා දරුවන්ගේ උපන්දින මූලික කර ගනිමින් හෝ තම සහෝදරන්ගේ ඉල්ලීම නිසා නාවික හමුදාපති ධූරයට පත්වූ හෝ සේවා දිගු ලබාගත් නාවිකහමුදාපතිවරුන් බිහිවිය. වෘත්තීයමය කුසලතාවය සෑම විටම නොවැදගත් කාරණයක් වූ අතර,  ධූරාවලියේ ඉහල නැගීම සඳහා කෙතරම් දුරට පටු දේශපාලන අරමුණු වෙනුවෙන් පෙනී සිටින එහෙයියෙකු වන්නේද යන්න මූලික අවශ්‍යතාවය බවට පත් විය. එවැනි තත්වයක නිවැරදිව රාජකාරි සිදුකරණ නිලධාරීන් හුදෙකලා වූ පිරිසක් බවට පත් වූහ.

එකල තම රාජකාරිය නිවැරදිව සිදුකළ පිරිසට  ගතහැකි පියවර දෙකක් විය. පළමුවැන්න කුමන හෝ පීඩාවක් විඳගෙන සේවයේ කටයුතු කිරීමය. දෙවැන්න කලින් විශ්‍රාම යෑම සඳහා ඉල්ලීමය. කලින් විශ්‍රාම යෑම, තර්කානුකූලව ඉතාම සියුම් කාරණයකි. මෙහි වෙනස තේරුම් ගැනීම සඳහා ප්‍රධාන උදාහරණ දෙකක් තිබේ.

පළමු උදාහරණය ට්‍රැවිශ් ඇතුළු ආරක්‍ෂක අංශ නිලධාරීන් එකල පැවති ආණ්ඩුවේ දේශපාලන අවශ්‍යතාවයන් වෙනුවෙන් පෙනී නොසිටීම මූලික කරගෙන ආණ්ඩුව සිදුන් ඔවුන්ට විශ්‍රාම යෑමට අවශ්‍යය පරිසරය නිර්මාණය කිරීමය. මෙහිදී නාවික හමුදා නිලධාරීන්ට ඇවන්ට්ගාඩ් ඔස්සේ විශාල ඉල්ලමක් ලබාදෙන බවට වූ ටොපියද ආණ්ඩුව අතේ තිබුණි. ඇතැමුන් එම ඉතාම රසින් අනුභව කළෝය. ඇතැමුන් තම ගරුත්වය රැකගෙන හුදෙකළා වූහ. අවන්ට්ගාඩ් ඉතාම සියුම් දේශපාලනයක නිරත වූයේ එහිදීය.

දෙවැන්න, විශ්‍රාමික කර්නල් නන්දසේන ගෝඨාබය රාජපක්ෂ මහතා එකල පැවති ගැටුම්කාරී තත්වය හමුවේ තමන්ට ප්‍රතිකාර ගැනීමට අවශ්‍යබව පවසා විදෙස්ගත වීමය. මෙම සිදුවීම් දෙක ඉතාම කල්පනාවෙන් සලකා බලන විට සමාන සිදුවීම් දෙකක් ලෙස තේරුම් ගැනීමට කිසිවෙකු හෝ අන්ධ වන්නේද? තර්කානුකූලව ඒවායෙහි සමානකම් හඳුනාගත හැකි වුවද භූමියේ සැබෑ සත්‍යය හමුවේ එහි ඇති දේශපාලනය ඉතාම මැනවින් හඳුනාගැනීමට අටුවා ටීකා ටිප්පනි අවශ්‍යය නැත.

ට්‍රැවිශ් දේශපාලනික වශයෙන් පළිගැනීමට ලක් වූ නිලධාරියෙකු ලෙස පිළිගැනීමට අවශ්‍යය සාධක ඕනෑ තරම් තිබියදී හුදු තර්කානුකූල කාරණා මත එල්බ ගනිමින් ඔහු මුහුණ දුන් කටුක යතාර්ථය අමතක කිරීමට කිසිවෙකු හෝ උත්සහ කරන්නේ නම් එය වචනේ පරිසමාප්ත අර්ථයෙන්ම කුහකකමකි.

කෙසේ වෙතත්, වත්මන් ජනාධිපතිවරයා මෙන්ම ඔහුගේ නියෝග අනුව යමින් වත්මන් නාවික හමුදාපතිවරයා ඔහු යළි සේවයේ පිහිටුවීමට කටයුතු කිරීම ඉතාම වැදගත් සහ අත්‍යවශ්‍යය කාරණයකි. ඇතැමුන්ගේ පටු දේශපාලන අභිමතාර්ථයන් මුදුන් පමුණුවා ගැනීම වෙනුවෙන් විෂය දන්නා අයෙකු සේවයෙන් ඉවත්ව යෑමට අවශ්‍යය පසුබිම සැලසීම මඟින් රටට අහිමිවන්නේ අදාළ දැනුම් සම්බාරය සේම රටේ අනාගතය වෙනුවෙන් යම් යහපත් කටයුත්තක් සිදු කිරීමට හැකියාව ඇති අයෙකි. එසේම, විෂය දන්නා අයවලුන් ඈත්කර තැබීමෙන් කිසිඳු දේශපාලන නායකත්වයක් දිගුකාලීන වසී ලබා ගන්නේ නැත. කෙටි කාලීන බලයක් සමඟ පොරබදිමින් එය සදාකාලීක යැයි සිතා කටයුතු කොට මට්ටු වූ නායකයින් අතර ප්‍රධාන උදහාරණයක් වන්නේ මහින්ද රාජපක්‍ෂ මහතාය.  එනයින් බලන කළ ට්‍රැවිශ් යළි සේවයේ පිහිටුවීම මෙන්ම ඔහුගෙන් රටට ගත යුතු වගකීම් සමුදාය ගැනීම රටක නායකත්වය සතු කුසලතාවයකි. මෙය ට්‍රැවිශ් සම්බන්ධයෙන් පමණක් නොව තම වෘත්තීයමය ගරුත්වය රැකගෙන කටයුතු කරනු ලැබූ බොහෝ නිලධාරීන් සම්බන්ධයෙන් ඉතාම වලංගු කාරණයකි.

නමුත් දේශපාලන පළිගැනීම් වලට ලක් වූ ඇතැම් විශ්‍රාමික නිලධාරීන්ට ආණ්ඩුව පොරොන්දු වූ ඔවුන්ගේ ශ්‍රේණිය ඉහළ දැමීම පවා ඉතාම සියුම්ව මඟහැර තිබීම කනගාටුවට කාරණයකි.

ශ්‍රී ලංකාවේ සමුද්‍ර කටයුතු සම්බන්ධයෙන් සැබෑ විශේෂඥයින් අත්‍යවශ්‍යය කාලපරිච්ඡේදයක් අපි පසු කරමින් සිටින්නෙමු. ඉන්දීය දේශපාලන බලය හමුවේ සෑම මොහොතකම රත්වෙමින් පවතින ධීවර ගැටලුව පමණක් නොව අනෙකුත් ලෝක බලවතුන් ඉන්දීය සාගරය තුළ සිදුකරමින් සිටින ක්‍රමෝපායික භූ-දේශපාලන කටයුතු මනාව කියවීමට හැකි සහ එම කියවීම ඔස්සේ හුදු පෞද්ගලික වාසි වෙනුවෙන් නොව තම රටේ ශක්තිය වෙනුවෙන් පෙනී සිටින පුද්ගලයින් අත්‍යවශ්‍යය මොහොතක් අපි පසු කරමින් සිටින්නෙමු.

මෙම තත්වය හමුවේ ශ්‍රී ලංකා නාවික හමුදාව මත පැවරී ඇති වගකීම අතිශ්‍යය පුළුල් කාරණයකි. දූපත් රාජ්‍යයක නාවික හමුදාව යනු සෑම විටම අවදානම සමඟ රාජකාරී කිරීම පැවරී ඇති ආයතනයකි. යුද්ධය නිමා වුවද ඔවුහු සිදු කරන යුද්ධය නිමා වී නැත. එම මූලික වගකීම ඇවන්ට් ගාඩ් වැනි පෞද්ගලික සමාගමකට හෑල්ලූ වූ කාලයකින් පසු උදාවෙමින් පවතින තත්වය හමුවේ එය නිවැරදිව මෙහෙවීම සඳහා දැනුම මෙන්ම එම දැනුම නියමිත මොහොතේ නියමිත පරිදි භාවිතා කිරීමට හැකි නිලධාරියෙකු නාවික හමුදාපති ධූරයේ මෙන්ම එම විෂයානුබද්ධ ක්ෂේත්‍රය තුළ කටයුතු කිරීම සඳහා පත් කිරීම අතවශ්‍යය වේ.

ට්‍රැවිශ් යනු විෂයය දන්නා නිලධාරියෙකු මෙන්ම එය නිවැරදි මොහොතේ භාවිතා කිරීම ප්‍රයෝගිකව පෙන්වූ නිලධාරියෙකි. එල්.ටී.ටී. ඊ. සංවිධානයට අයත් නෞකා වලට එරෙහිව ඉතාම සාර්ථකව මෙහෙයුම් රාශියක් සිදුකළ නිලධාරීන් අතර කැපී පෙනෙන්නෙකු වන ඔහු ජාතික සහ ජාත්‍යන්තර ප්‍රජාව හමුවේ ශ්‍රී ලංකා නාවික හමුදාව විසින් සිදුකළ කටයුතු මනා පරිචියෙන් පැහැදිළි කළ අයෙකි. ජ්‍යෙෂ්ඨත්වයෙන් පමණක් නොව තම වෘත්තීයමය භාවිතාව අතින් ඉතාම ඉදිරියෙන් සිටීමට හැකි වූ නිලධාරීන් අතලොස්ස අතරින් ඔහු ඉදිරියෙන් සිටින්නෙකි. රටේ ගැටලුව හුදු බහුවාර්ගිකයින් විසින් සුලුවාර්ගිකයින් තලාපෙලා දමන ජනවාරිගික අර්බුදයක් ලෙස ජාත්‍යන්තර ප්‍රජාව හමුවේ අර්ථගන්වනු ලැබූ ත්‍රස්තවාදී උවදුරට ට්‍රැවිශ්ගේ භූමිකාව සියුම් භාවිතයකි. හිටපු විදේශ අමාත්‍යය ලක්‍ෂ්මන් කදිර්ගාමර් මහතා විසින් දේශපාලනික වශයෙන් දේශීය සහ විදේශීය ප්‍රජාව හමුවේ පිළිතුරු දීමට උත්සහ කරනු ලැබුවේ එම මූලික විසංවාදයයි.

ඇතැමුන් කළ හැකි සෑම දූෂිත කටයුත්තක්ම සිදුකොට ඉන් පසු රටේ සමුද්‍ර කටයුතු සම්බන්ධයෙන් නිබන්ධන ලියා යුද්ධය සහ එහි මෙහෙයුම් තමන්ගේ කර ගන්නා විට විෂය දන්නා අයවලුන් එවැනි විගඩම් දැක රටේ යහපත වෙනුවෙන් සිදුකළ හැකි කටයතු ගැන සිතන කාලයක අවශ්‍යය වන්නේ යමක් නිවැරදිව කළ හැකි අයෙකු වගකීමට සහ වගවීමට යටත් නිලයන් සඳහා පත් කිරීමය.

ඇමෙරිකා එක්සත් ජනපදයේ සිටි කීර්තිමත් නාවික නිලධාරියෙකු වූ කැප්ටන් ඇල්ෆ්‍රඩ් තයෙර් මහතා විසින් ලෝකයට දායාද කරනු ලැබූ “ද ඉන්ෆ්ලුඅන්ස් ඔෆ් සී පවර් අපොන් හිස්ට්‍රි” ග්‍රන්ථයේ ( ග්‍රන්ථය කියවීම සඳහා පිවිසෙන්න –  https://archive.org/details/seanpowerinf00maha )  ඕනෑම රාජ්‍යය සාර්ථකත්වය රඳා පවතින මූලික කාරණයක් ලෙස සමුද්‍ර බලය අර්ථ ගන්වනු ලබයි. තයෙර් යනු එක්සත් ජනපදයට ඉතාම ශක්තිමත් විදෙස් ප්‍රතිපත්තියක් නිර්මාණය කිරීමට මූලික දායකත්වයක් ලබා දුන් අයෙකි. එක්සත් ජනපදයේ සාර්ථකත්වය ඇත්තේ වෙන කිසි තැනක නොව විෂය දන්නා අයවලුන් නිවැරදි ස්ථාන වලට පත්කොට ඔවුන්ගෙන් උපරිම සේවය ගැනීමට පත් වූ නායකත්වය කටයුතු කිරීමය. එසේම එම නායකත්වය, ඔවුන්ගේ සුභ සිද්ධිය වෙනුවෙන් පෙනී සිටීමය.

මීලඟ නාවික හමුදාපතිවරයා පත් කිරීමේදී වත්මන් නායකත්වය හමුවේ පැවරී ඇති මූලික වගකීම නාභිගත වන්නේ එම මූලික කරණයට යටත්වය. එම ඉතාම වැදගත් තීන්දුව රටට මෙන්ම තම නායකත්වයේ නිවැරදි තීන්දු ගැනීමේ හැකියාව මුදුන්පත් වන ආකාරයෙන් ගනු ඇතැයි අපේක්‍ෂා කරමු.

උපුටා ගැනීම- http://www.slguardian.org/si/archives/14952 

යහපාලනයට අලුත් කොන්දක් නාවික හමුදාවෙන්.. හම්බන්තොට උද්ඝෝෂකයින්ට 'සඳ ගුටි'.. Enough is enough.. Let's start from Hambantota

කාලෙකට පස්සේ ඊයෙ ආසාවෙන් ප්‍රවෘත්තියක් නැරඹීමට හැකිවිය.. සිංගප්පූරුවේ හා චීනයේ සිට පැමිණ තිබු නෞකා දෙකක් බලෙන් රඳවාගෙන දින තුනක් පුරා හම්බන්තොට වරාය පරිශ්‍රය තුල පිස්සු නැටු නාමල්ගේ නිල් බළකා ගොබිලන්ට අමතක නොවන 'නාවික පාඩමක්' නාවික හමුදාවට හුරු පුරුදු පුහුණු විලාසයෙන්ම රිසිසේ ලබා ගැනීමට අවස්ථාවක් නාවික  හමුදාපති තුමා ප්‍රමුඛ නාවිකයින්ගෙන් ලැබිණි. වසර ගණනාවක් තිස්සේ ඇඳ පුරුදු නාවිකයින්ගේ මුහුදු නිළ ඇඳුම වූ (sea rig) නිල්පාට අත් කොට ටී ෂර්ට් එකෙන් හා කොට කලිසමෙන් සැරසී වේග ප්‍රහාරක මුර යාත්‍රාව හෙවත් ඩෝරා යාත්‍රාවේ නැගී හම්බන්තොට වරායට ඇතුළු වන 'සද්දන්ත රැවුල්කාරයා' දුටු මට ඇතිවූ පළමු හැඟීම වූයේ .. 'අදනම් බඩුම තමයි' යන්නයි.. මගේ නිගමනය ආසන්නයටම හරි ගියේය.

photo credit; www.google.lk

මීට වසර පහළොවකට විස්සකට ප්‍රථම මේ හා සමාන දසුන් මම අනන්තවත් දැක ඇත්තෙමි. එවකට එම දසුන මිලේච්ච කොටි සංවිධානයේ ඇමතුම් ජාලය ක්ෂණිකව කළඹවන්නක්ම විය.. සත්‍යවශයෙන්ම එසේ නම කියැවූ සැණින් මුහුදු කොටි ජාලය කැළඹවිය හැකි නාවික නිළධාරීන් නාවික හමුදාව තුල සිටියේ අතලොස්සකි.. වයිස් අද්මිරාල් රවී විජේගුණරත්න යනු ඒ අතලොස්ස අතරිනුත් වඩාත් බිය ජනිත කරවන සුළු රණකාමියෙකි. ඔහුගේ ඉහත කි දසුන කොටි ත්‍රස්තවාදීන් බියෙන් හැකිලවුවා හා සේම සිය සගයින් රණකාමිත්වයෙන් ඔද නැංවීමටද එක හා සමත්වූ ආශ්වාදජනක අත්දැකීමක් විය. කාලෙකට පසු ඊයේ සිදුවීමෙන් එවන් ආශ්වාදයක් මාද ලද්දෙමි. 

උද්ඝෝෂකයින්ට පහර දුන්නා, මාධ්‍ය වේදීන්ට තර්ජනය කරා, මේකද අපේ මාධ්‍ය නිදහස.. මේ සියල්ල බොරු විකාර වේ.. උඹලාගේ උද්ගෝෂණ වැඩ වර්ජන ඉල්ලීම් කන් කෙඳිරිගෑම්, දේශපාලක පද වලට නැටුම් උඹලම තියාගනිල්ලා.. වරායකට ඇතුළුවූ වෙනත් රටක නෞකා දෙකකට ආරක්ෂාව සැපයීම හා ඒවා නිසි වෙලාවට ආරක්ෂිතව නාවික දේශ සිමාවෙන් පිටතට යාත්‍රා කරවීමට පහසුකම් සැලසීමේ වගකීම නාවික හමුදා කාර්යබාරයකි. වසර තිහක අතීතය තුල ලෝකයේ දරුණුම මුහුදු ත්‍රස්ත සංවිධානය ගලග්‍රහණයෙන් ගෙන මුහුදේ බල පරාක්‍රමය පැතිරවූ නාවික හමුදාවකට එරෙහිව අත එසවුවහොත් එහි ප්‍රතිවිපාක ඔබ අත් විඳිය යුතුමය.. එයිනුත්.. ඒ හමුදාව මෙහෙයවන්නේ 'රවී විජේගුණරත්න' නම්.. මට කිව හැක්කේ ඊයෙ යහතින් ගෙදර යාමට තරම් නුඹලා වාසනාවන්ත වූ බව පමණි. 

කලකට ඉහත ආසාවෙන් නැරඹු 'Rules of Engagement' බටහිර ක්‍රියාදාම චිත්‍රපටය ඊයෙ මට සිහිවිය.. යේමනයේ ඇමෙරිකානු තානාපති කාර්යාලය වටලා තානාපතිවරයා හා පවුල ප්‍රාණ ඇපයට ගෙන සිටි අවිගත් යේමන් කැරලි කරුවන් හා සටන්කොට තානාපතිවරයා හා පවුල ආරක්ෂිතව ඉවත් කර ගැනීමේ මෙහෙයුමට නායකත්වය දෙන මැරයින් කමාන්ඩෝ නිළධාරියා ඉන් අනතුරුව 'සිවිල් ජනතාවට වෙඩි තැබීමේ වරදට' හමුදා අධිකරණයකට යොමු කරයි.. ඔහුට පක්ෂව ඇති සියලු වීඩියෝ සාක්ෂි විනාශ කර එදිරිව ඇති සාක්ෂි පමණක් ඉදිරිපත් කරමින් පිරිසක් කැත දේශපාලන ක්‍රීඩාවක නිරත වෙද්දී ඔහු වෙනුවෙන් ඉදිරිපත්වන්නේ වියට්නාම් සටනේදී ඔහු සමඟම සටන් කල ඔහුගේම සගයෙක් වේ. අවිගත් කුඩා දරුවන් හා කාන්තාවන් (මෙහි කුඩා දරුවන් හා කාන්තාවන් අවි දරා සිටින cctv දර්ශන හිතා මතා විනාශ කරනු ලබයි) පහර දීමට අණ දීමේදී ඔහු භාවිතා කරන වචන එනම් "Waste the bloody motherfuckers" යන්න ඔහුට එරෙහිව එල්ල කරන ප්‍රධානම චෝදනාවකි. මේ තර්කය ගේන නීතිඥයා හෝ තර්කය ගේන උසාවිය අදාළ සිදුවීම වූ අවස්ථාවේ එහි සිටියානම්? 'එන්න, යන්න, අමර මල් නෙලන්න, ඔයා මෙයා, නරක සමනළයා..' කියා යුද්ද කරන භාෂාවක් ලොවේ නැත.. අවසානයේ ඔහුට එදිරිව සාක්ෂියට ගෙන එන හිටපු වියට්නාම හමුදා ප්‍රධානියාගෙන් විත්තියේ නීතිඥයා අසන එකම ප්‍රශ්ණය 'ඔබ එම අවස්ථාවට මුහුණ දුන්නානම් ඔබ ගන්නා ක්‍රියාමාර්ගය කුමක්ද? යන්නෙන් නඩුව අවසන් වේ.. 

හම්බන්තොට සිදුවීම සම්භන්දව නැගෙන එක ප්‍රධාන ප්‍රශ්ණයක් වන්නේ මෙය නාවික හමුදාපති වරයාගේ මැදිහත්වීමෙන් සිදුවිය යුතුද යන්නයි.. පිළිතුර ඉතා පැහැදිලිය.. ඔහු 'රවී විජේගුණරත්න'යි.. නාවික හමුදාවේ රවී විජේගුණරත්නලා දෙන්නෙක් නැත. ඉන්නා එකම රවී විජේගුණරත්න යනු එවන් නිලධාරියෙකි. බළලුන් ලවා කොස් ඇට බාවාගෙන විකුණා ලාබය ලබා ගන්නා 'දෙකයි පණහේ' වැඩ ඔහු ළඟ නැත. මිට වසර විසිපහකට පමණ පෙර ශ්‍රී ලංකා නාවික හමුදාවට විශේෂ යාත්‍රා බලගණය හඳුන්වා දීමේදී එහි පුරෝගාමිත්වය ගත් විශේෂ යාත්‍රා බලගණයේ මුල්ම නිලධාරී කණ්ඩායමේ ඔහු සිටියේය. යුද්ධය අති දරුණුවටම ඇවිලුණු වසර දෙදාහ ආසන්න කාලයේ විශේෂ යාත්‍රා බලගණයේ අණදෙන නිලධාරියා වුයේ ඔහුයි.. එකල විශේෂ යාත්‍රා බලගණය සහභාගී වූ සියලු මෙහෙයුම් මුහුදේ වෝටර් ජෙට් යාත්‍රාවක සිට ඔහුගේ අධීක්ෂණය යටතේ සිදුවිය. නාවික හමුදාපති දුරයට එතෙක් මෙතෙක් පත්වූ වැඩිම වීර පදක්කම් ලද නිලධාරියා (Most Decorated War Hero) ඔහු වේ.. ඉතින් කවර කතාද?

මෙහි මා දකින අනෙක් විශේෂත්වය වන්නේ යහපාලන ආණ්ඩුව ආ දවසේ සිට 'මට FCID යන්න වෙයි' 'මගේ නිළයට කෙලවෙයි' කියා ලියවිල්ලකටවත් අත්සන් තැබීමට ප්‍රාදේශීය සභාවක ලේකම් කෙනෙක්වත් මැලිවෙද්දී මේ ගැටළුවට විසඳුම් සෙවීමට ඔහුම ඉදිරිපත් වීමයි. මෙවන් අවස්ථාවල 'ඇඟ බේරාගෙන පොඩි එකෙක් කඩේ යැවීම' කොතරම් සාමාන්‍යකරණය වී ඇද්ද යන්න මේ අහන ප්‍රශ්න වලින්ම තෙරේ. නමුත් එය රවී විජේගුණරත්න නම් 'නායකයාගේ' හැටියක් නොවේ.. ඔහු ඉදිරිපෙළ සිට නායකත්වය දෙන්නෙකි.. ඒ ගැන ඔහුට විශේෂ ප්‍රණාමයක් හිමිවිය යුතුමය. 

ඡායාරූපය නාවික හමුදා නිළ වෙබ් අඩවියෙනි

ඊනියා යහපාලනය සමඟ කරලියට ආ මාධ්‍ය නිදහස ගැනද මෙහිදී සඳහන්ය කල යුතුය. මෙහි නම් සඳහන් නොකරත් තවමත් පරණ ආණ්ඩුවට රෙදි නැතිව කඩේ යන පෞද්ගලික නාලිකා දෙක තුනක් මේ මාධ්‍ය නිදහස 'වල් බූරු අන්දමින්' භාවිතයේ යොදවන බව සැමට ප්‍රත්‍යක්ෂයකි. වාර්ථා කලයුත්ත කුමක්ද නොකළ යුත්ත කුමක්ද යන්නෙහි දිග පළල ඔවුන් තකන්නේ නැත. ලොව කිසිම රටක හමුදා මෙහෙයුමක් සජීවීව පටිගත කර මාධ්‍යයට මුදා හැරීමට 'මාධ්‍ය නිදහස' දෙන්නේ නැත. හම්බන්තොට ඊයේ සිදුවූයේ නාවික හමුදා මෙහෙයුමකි. ඒ මෙහෙයුම අතර එය වාර්තා කිරීමට යන මාධ්‍ය වේදියෙක් වේනම් ඔවුන් අනිවාර්යයෙන්ම අදාළ හමුදා මාධ්‍ය ප්‍රකාශක වරයා හා සම්භන්ද වී ඊට අවසර හා ආරක්ෂාව සපයා ගත යුතුයි. එසේ නැතිව දකින දකින පොලිස් කාරයටයි හමුදා කාරයටයි කැමරාව අල්ලා ඒවා උන්ට කැමති කැමති විදියට 'නිවුස්' කිරීමට ඉඩ නොදිය යුතුයි. අඩුම වශයෙන් ඒ බව දැන්වූ පසුව වත් එයින් වැලකි සිටීමට තරම් විනයක් මාධ්‍ය හැඳුනුම්පත් දරන්නන් අත තිබිය යුතුයි. මෙරට ප්‍රාදේශීය මාධ්‍යවේදී හැඳුනුම්පතක් යනු රටේ ඕනෙම මර්මස්ථානයකට ඇතුළුවී කැමරාව ඇටවීමට දෙන ලයිසමක් නොවේ. මේ සිංහල තේරෙන්නේ නැති එකාට තේරෙන භාෂාවකින් එය කියා දිය යුතුයි.. 

අවසානයට සඳහන් කල යුත්තේ යහපාලන රජයට මෙතෙක් නොතිබූ කශේරුකාවක් ඊයේ හම්බන්තොටදී නාවික හමුදාවෙන් ලැබුණු බවයි.. නීල කාස හොරු බළකායේ කඩාකප්පල්කාරී උද්ඝෝෂණ නඩයට පාඩමක් කියා දීමට හම්බන්තොට තරම් ගැලපෙන වෙනත් තැනක් සොයා ගත නොහැකිය.. තමන් මෙතෙක් රජ කල හම්බන්තොට වැල්ල දිගේ දෙපයට වැඳ වැඳ දුවන්නත් එහිම වැටී දුක කියා හඬා වැලපෙන්නටත් මෙතරම් ඉක්මණට සිදුවේයැයි 'නාමල්ගේ කොල්ලෝ' හිතන්නත් නැතිය. ඒත් උන් ඊයේ නයාට පහර ගසා පොල්ල වරද්දා ගත්හ. ඒ මෙහෙයුමට අණදුන් නාවික හමුදාවේ ඒ 'සද්දන්ත රැවුල්කාරයාට' මාගේ ආචාරය!

ජාතික ආරක්ෂාව, පා.ම. විමල් විරවංශ හා රියර් අද්මිරාල් ට්‍රැවිස් සින්නයියා Rear Admiral Travis Sinniah- A Master and a Commander

රස්සාවට කරන්නෙත් ආරක්ෂාව ගැන බලන එක උනාට 'ජාතික ආරක්ෂාව' ගැන නම් ඒ හැටි හොයන්න මේ දවස්වල විවේකයක් නෑ.. ඒත් ඒ ගැන තියෙන උනන්දුව ගැන දන්නා නිසා මොකක් හරි විශේෂ දෙයක් සිදුවෙනකොට කොහෙන් හරි පොඩි දැනුම්දීමක් තවමත් වෙනවා.. අදත් ආවනේ එහෙම කෝල් එකක්.. අද පාර්ලිමේන්තුවේදී ආරක්ෂක, සංවර්ධන උපායමාර්ගික සහ ජාත්‍යන්තර වෙළද කටයුතු අමාත්‍යාංශයන්හි වැය ශිර්ෂ පිළිබද විවාදයේදී විමල් වීරවංශ මහතා කළ කතාව  අහන්නය කියල.. වීරවංශ මන්ත්‍රීවරයා කොහොමත් කතාවට දක්ෂ නිසා ඔහුගේ කතා අහන්න කම්මැලි නම් නෑ. ඒත් දැන් දැන් ඒ කතා අහන්න කියල කෝල් එන්නේ.. අර ඉංග්‍රීසියෙන් කියන්නේ for the wrong reason කියල.. අන්න එහෙම. ඒ කතාවේ මුල් බාගයේ අවසන් හරියේ තමයි ඔය ජාතික ආරක්ෂාව පාට් එක තියෙන්නේ.. එකෙත් ගොඩක්ම පුරුදු මැක්කා ස්ටෝරිය.. ඔය අතරතුර ජාතික ආරක්ෂාවට අදාළ ජෙෂ්ට නිලධාරීන් තුන් දෙනෙක් ගැන කියවෙනවා.. එක් අයෙක් යුධ හමුදා බුද්ධි අංශ ප්‍රධානි විදියට කටයුතු කල බ්‍රිගේඩියර් සුරේෂ් සැලේ.. ඒ වගේම හිටපු පොලිස් විශේෂ බළකා ප්‍රධානි නියෝජ්‍ය පොලිස්පති සරත්චන්ද්‍ර වත් එහිදී සඳහන් උනා.. තුන්වැනියා වත්මන් නාවික හමුදාවේ නැගෙනහිර නාවික ආඥාපතිවරයා වන රියර් අද්මිරාල් ට්‍රැවිස් සින්නයියා.. නමුත් විරවංශ මන්ත්‍රීවරයා එහිදී ඔහුගේ නමින් ඔහුව සඳහන් කිරීමක් කරන්නේ නෑ. මේක අහනකොටම මට මතක් උනේ හිටපු නාවික හමුදාපති අද්මිරාල් වසන්ත කරන්නාගොඩගේ 'අධිෂ්ඨානය' පොත.. එහි කීප තැනකම කපිතාන් ට්‍රැවිස්, කොමඩෝර් ට්‍රැවිස් ලෙස ඔහුගේ නම සඳහන් උනත් කොතැනකවත් 'සින්නයියා' කියන ඔහුගේ වාසගම සඳහන් වෙන්නේ නෑ.. සමහරවිට ඔහුගේ මේ දෙමළ සම්භවය නිසා ඔහුගේ වීරත්වයට අඩු ලංසුවක් ලැබේවියයි මේ මන්ත්‍රීවරයා හා අද්මිරාල්වරයා හිතුවද දන්නේ නෑ.. හැබැයි මටනම් එය ඔහුට වඩා වැඩි වටිනාකමක් එක් කරන සාධකයක්. මේ පෝස්ට් එකේ ඉස්සරහට මම 'රියර් අද්මිරාල් සින්නයියා' නැත්නම් 'සින්නයියා සර්' කියල නිතර කියන්නේ ඒ ගෞරවය පෙරදැරිවමයි..

රියර් අද්මිරාල් සින්නයියා ගැන ලිපියක් ලියන්න හුඟ දවසක ඉඳන් හිතාගෙන හිටියත් වැඩත් එක්ක ඒක අතපසු උනා.. නමුත් විමල් මන්ත්‍රීවරයාගේ මේ කතාව හෙට මාධ්‍ය වල පලවෙනකොට අඩන්න බලන් ඉන්න දේශප්‍රේමීන්ගේ ඇහැට ඇඟිල්ලෙන් ඇන්නා වගේ රට වෙනුවෙන් කිඹුල් කඳුලුත් එක්ක මේ විශිෂ්ට නිලධාරියාගේ අම්මා අප්පට පවා බැනුම් අහන්න සිදුවිය හැකි බව දන්නා නිසා යන්තමින් හෝ ඔහු පිළිබඳව සාධාරණයක් ඉටු කිරීමට මේ ලිපිය ලියා පලකිරීමට මීට වඩා සුදුසු වෙලාවක් නෑ..

ට්‍රැවිස් සින්නයියා සර් මට මුලින්ම හම්බවෙන්නේ 2000 වසරේ ජනවාරි මාසයේ.. පාස් අවුට් එකෙන් පස්සේ මගේ පලවෙනි ඇපොයින්මන්ට් එක විදියට වේග ප්‍රහාරක මුර යාත්‍රාවක දෙවන අණභාර නිලධාරියා විදියට ගියාම මට පැවරුණු මුල්ම රාජකාරි වලින් එකක් තමයි වර්ෂාවසනයේදී සිදුකලයුතු එහෙත් එතෙක් මගහැරී තිබුණු නැවියන්ගේ සේවා වාර්තා (Service Documents) අණදෙන නිළධාරියා ලවා සහතික කරවා ගැනීම.. මෙලෝ හසරක් නොදන්නා මම සේවා වාර්තා මිටියත් කර තියාගෙන අණදෙන නිලධාරියා මුණ ගැහෙන්න යනවා බලාගෙන හිටපු අනෙක් ජේෂ්ඨ සගයින් මගේ දිහා අවඥාවෙන් වගේ බලාගෙන හිටිය කියල පස්සේ හිතුන.. ඒත් මම ගියා ඉතින්.. එවෙලේ තමයි ඔහුව මුලින්ම දැක්කේ.. නියම නේවිකට් රැවුල.. ඇස දෙක උස්සල බැලුවම හයි බිම් ලයිට් එකක් ගැහුවා වගේ.. ඔක්කොමත් හරි ඒ ඉංග්‍රීසි හා ඇසෙන්ට් එක.. මගේ ඉස්සරහ හිටියේ අපිට ට්‍රේනින් කාලේ උගන්නපු නියම 'නේවි ඔෆිසර්' කෙනෙක්ගේ මොඩල් එකක් කියල මට හිතුනේ.. කොහොමහරි ඒ ටෙස්ට් එකෙන් ගොඩ ගිහින් SD ටික දුන්න සයින් කරන්න.. පළවෙනිම එක දිහා ටිකක් වෙලා බලාගෙන හිටපු ලොක්කා එකපාරටම මගෙන් මෙහෙම ඇහුව..

"who was your predecessor?' 

"Sub Lieutenant .... sir!"

මම කියනවත් එක්කම ලොක්ක මේසේ උඩ තිබ්බ බෙල් එකට දෙපාරක් තට්ටු කරා.. එතකොට ආවේ තවත් ඒ වගේම නේවි එකේ 'චරිතයක්'.. ඒ කාලේ ඩෝරා ස්කොඩ්රන් එකේ ට්‍රේනින් ඔෆිසර්.. එයා ගැන වෙනම ලියන්න  වෙන්නේ..

"YN, where is now that bloody sub lieutenant .....? ask that fucker to come and report me tomorrow morning"

"Aye aye sir!" කියල අපි දෙන්නම සැලියුට් එකක් ගහල එලියට ආව.. ආපු ගමන් YN සර් මගෙන් ඇහුව විස්තරේ.. මං වෙච්චි දේ ඒ විදියටම කියුව.. පස්සේ බැලින්නම් කලින් එකා ලොක්කගේ අස්සන හොරට ගහල තිබිල ඊට උඩින් තැනක.. ලොක්කට දැක්ක ගමන් මාට්ටු.. ඒ ලොක්ක කවදාවත් අත්සන නිල් පෑනකින් ගහන්නේ නැතිලු.. කලුපාට සයිනින් පෙන් එකක් විතරලු පාවිච්චි කරන්නේ.. අර උන්දා ලෙසටම අස්සන ගහල හැබැයි නිල් පෑනකින්..වැඩේ අතේ කෝට්. ඔන්න ඔහොමයි මගේ වෘත්තීය ජිවිතේ පටන් ගන්නකොටම ඒකට 'ට්‍රැවිස් සින්නයියා' සම්භන්ද උනේ.. ඒ කාලේ ජුනියර් ඔෆිසර්ස් ලා සින්නයියා සර් ලඟට යන්න බය හේතු දෙකකට.. පළවෙනි එක කඩ්ඩට.. මටනං ඒ කතා කරනවා අහං ඉන්න ආසයි.. දෙවෙනි එක ඔහුගේ දැනුම.. ඩෝරා ගැන, ඩෝරා එන්ජින් ගැන, වෙපන් ගැන, එල්ටීටීඊ එක ගැන, ට්‍රින්කෝ හාබර් එක ගැන, seamanship ද navigation ද මොනවගෙන් ප්‍රශ්ණයක් අහයිද දන්නේ නෑනේ.. ඒ හැම එකක් ගැනම ඔහුට තිබ්බේ අප්‍රමාණ දැනුමක්.. ප්‍රශ්ණයක් ඇහුවම ගොළුව කසාය බිව්වා වගේ හිටියොත්නම් 'මළ පනිනවා'. දන්නා විදියට උත්තර දුන්නොත් හිනාවෙලා ඒ සම්භන්දව වැඩිපුර තොරතුරු ඔක්කොම කියල දෙනවා.. මට සර් ව අල්ලලා ගියේ ඒ නිසා.. හැබැයි මම ඩෝරා වලට එකතු වෙලා ටික කාලෙකින් සර් වෙන තැනකට ට්‍රාන්සර් වෙලා ගියා.

1999-2000 කියන්නේ මුහුදු කොටි ක්‍රියාකාරකම් උපරිම මට්ටමක තිබ්බ කාලයක්.. ඒ කාලේ නාවික හමුදාවේ කොඳු නාරටිය වෙලා තිබ්බ වේග ප්‍රහාරක මුර යාත්‍රා බලගණය සින්නයියා සර් අතට පත්වෙන්නේ අහම්බයකින් නෙවෙයි.. ඔහු ඩෝරා ස්කොඩ්රන් එක පටන් ගත්ත මුල් කාලේ ඉඳල ඒකෙ වැඩ පෙන්නපු 'පොරක්' .. සින්නයියා කියන නම ඉස්සරහින් වීරත්වය මුලින්ම ලියවෙන්නේ 1987 වගේ ඈත කාලෙක.. එතකොට ඔහු ලුතිනන් වරයෙක්.. හරියටම කියුවොත් P 457 ඩෝරා යාත්‍රාවේ දෙවන අණබාර නිලධාරියා..

එදා දවස 1987 ඔක්තෝබර් 2 වෙනිදා.. ඒ අවුරුද්දේ ජූලි 29 ඉන්දු ලංකා ගිවිසුම අත්සන් කරලා ඒ වෙනකොට යාපනය අර්ධද්වීපය සේවා නූලට ගිනිතිබ්බ බෝම්බයක් වගේ තිබුනේ.. ලංකා හමුදාව, ඉන්දීය සම සාධක හමුදාව හා එල්ටීටීඊ ඇතුළු සන්නද්ධ කල්ලි අතුරින් කවුරු කවුරු එක්ක යුද්ද කරයිද කියල විශ්වාසයක් තිබුනේ නෑ. විශේෂයෙන්ම ඉන්දීය හමුදා හා ලංකා හමුදා අතර හොඳ හිතක් තිබුනෙම නෑ. අඩුම තරමින් උතුරු නැගෙනහිර ආරක්ෂාව සම්භන්දව දෙගොල්ල අතර සාකච්චාවක් වත් තිබුනේ නෑ. ඇත්තටම ඉන්දීය හමුදා වැඩිපුර ගනුදෙනු කරේ ත්‍රස්ත කණ්ඩායම් එක්ක. ඒ විශ්වාසය දඩමීමා කරගෙන එල්ටීටීඊය එදත් මහා පරිමාණයෙන් ආයුද හා පිරිස් බලය රැස් කරා. මේ සියල්ල කණපිට හැරුනේ නාවික හමුදාවෙන් මෙදින අත්අඩංගුවට ගත්ත 'kadalpura' කියන ට්‍රෝලර් එක නිසා.. ඒකෙ ගමන් ගත්තේ ඒ දවස්වල එල්ටීටීඊයේ ප්‍රබලම නායකයින් දෙපොළක් වූ කුමාරප්පා සහ පුලේන්ද්‍රන් ඇතුළු ප්‍රභල කොටි සාමාජිකයින් 18 දෙනෙක්.. අවි ආයුද හා තවත් යුද උපකරණ විශාල ප්‍රමාණයක් එක්ක වැල්වැටිතුරේ ඉඳල තමිල්නාඩුවට යන අතර P 457 ඩෝරා යාත්‍රාවෙන් detect කරලා තිබුන.. කුමරප්පා කියන්නේ ප්‍රභාකරන්ගේ මස්සිනා. පුලේන්ද්‍රන් තමයි කන්තලේ කිතුල්උතුව ප්‍රදේශයේ දී හමුදා හා සිවිල් වැසියන් ගමන් ගත බස් රථයක් නවත්වා ඔවුන් සියලු දෙනාවම අමු අමුවේ ඝාතනය කරේ. අපේ ආරක්ෂක හමුදාවන්ගේ බලය අඩපණ කරලා තිබුණු ඒ කාලේ මහා රෑ දෙකට විතර ගොඩ බිමින් ඉතා ඈත මුහුදේදී නාවික හමුදා යාත්‍රාවක් මෙතරම් සැලකිල්ලකින් ඉඳියි කියල කවුරුවත් හිතන්නේ නැති වෙලාවක මේ detection එක කරේ එදා ඒ යාත්‍රාවේ දෙවන අණභාර නිලධාරියා වූ අපේ කතා නායකයා. නාටකය එතනින් නතර උනේ නෑ. නවත්වන්න කියල එන දුන්නට ඔවුන් නතර නොකරම ඉන්දීය මුහුදු සිමාව දෙසට යාත්‍රා කරන්න උනා. ඒ මදිවට බෝට්ටුව වටේටම අවි අමෝරාගෙන නේවි යාත්‍රාවට අභියෝග කරා. තව ටිකක් එහාට ගිහිං ඔවුන් එදා ඉන්දීය මුහුදු සීමාවට ඇතුළු වුනානම් ඉන්දු ලංකා ගිවිසුම හා ඉන්දීය සම සාධක හමුදා පිලිබඳ ඉතිහාසය අදට වැඩ බොහෝ සෙයින් වෙනස් එකක් වීමට ඉඩ තිබුනා. නමුත්.. 

අවස්ථානුකුලව මේ අත්අඩංගුවට ගැනීමේ වැදගත්කම අවබෝධකරගත් එවකට ලුතිනන් සින්නයියා දෙවරක් නොසිතා ඩෝරා යාත්‍රාවේ සිට වේගයෙන් ගමන් කරමින් තිබු සතුරු යාත්‍රාවට අවි අමෝරාගෙන කඩා පැන්නා. ඔහු සමඟ ඔහුගේ සහයට පැමිණි නායක නැවි ප්‍රේමතිලක නම් වූ ඒ වීර නාවිකයින් දෙදෙනාට එල්ටීටීඊ සාමාජිකයින් දහ අට දෙනා ඇතුළු ඒ ට්‍රෝලර් යාත්‍රාව අත්අඩංගුවට ගෙන P 457 යාත්‍රාවේ අධීක්ෂණය යටතේ නැවතත් කන්කසන්තුරය වරාය වෙත යාත්‍රා කරවීමට හැකි වුවා. එහිදී අත් අඩංගුවට ගත් එල්ටීටීඊ ප්‍රබලයින් ප්‍රශ්ණ කිරීම සඳහා කොළඹට ගෙන ඒමට විරුද්ධත්වය පාමින් ඔවුන් සයනයිඩ් කා සියදිවි හානි කර ගැනීමත් සමඟ යාපනය අර්ධද්වීපය පුරා ත්‍රස්ත කැරලි කෝලාහල පටන් ගැනීමත් සමඟ ඉන්දීය සාම සාධක හමුදාව තමන් මෙතෙක් කිරිපොවා හුරතල් කර නාගයාගේ තරම අවබෝධ කරගනිමින් එල්ටීටීඊයට එරෙහිව යුධමය ක්‍රියාමාර්ග වලට එළබුනා.. ඉතිරිය ඉතිහාසගතයි.

එතැන් පටන් රණවික්‍රම, රණසුර වැනි යුද්ධයේදී දක්වන විශිෂ්ඨ දක්ෂතා වෙනුවෙන් ලබා දෙනු ලබන වීර පදක්කම් හා පළඳනා රැසකින් පිදුම් ලබමින් යුද්දයේදී මෙන්ම ඉන් පරිබාහිරව නාවික හමුදාවේ ඉතාමත් වැදගත් තනතුරු රැසක වගකීම් දරමින් වෙසෙසින්ම ශ්‍රී ලංකා නාවික හමුදාව කලාපයේ වෙනත් නාවික හමුදා අතර ඉහලින් ඔසවා තැබීමට සිය වියත් කථිකත්වය හා අප්‍රමාණ නාවික දැනුම නිසි ලෙස යොදවමින් දවසින් දවස නාවික හමුදාවේ ඉදිරියටම යාමට ට්‍රැවිස් සින්නයියාට හැකි උනා.. සාමාන්‍යයෙන් හමුදාවල career officers ලා කියා හඳුනා ගන්නා කොටසක් ඉන්නවා.. ඒ සිය දක්ෂතා, හැකියාවන් හා performance (merit) මත නාවික හමුදාවේ ඉදිරිපෙළ නායකත්වය සඳහා සුදුසුකම් පෙන්වන දක්ෂ නිලධාරීන්. පැහැදිලිවම ට්‍රැවිස් සින්නයියා යනු එකල එවන් career officer කෙනෙක්.. ඔහුගේ නායකත්ව ගුණාංග, දක්ෂතා හා 'වැඩ' ගැන දැනගෙන සිටි අපි කවුරුවත් ඒ ගැන අහිතකින් හිටියේ නෑ.. 

ට්‍රැවිස් සින්නයියා ගැන මීළඟ කතාව 1987න් හරියටම අවුරුදු විස්සකට පසේ ඒ කියන්නේ 2007 අවුරුද්දට අරගෙන යනවා.. මාවිල්ආරු සොරොව්ව මුදා ගැනීමෙන් ඇරඹි හතරවන ඊලම් යුද්දයේ උච්චතම අවධියේ.. ඉදිරියට ඇදෙන හමුදා සේනාංකවලට තිබුණු ලොකුම බාධකය උනේ නොනවත්වා ත්‍රස්තවාදීන් අතට පත්වන නවීන පන්නයේ බර අවි හා උන්ඩ සැපයුම.. මහා මුහුදේ නොදන්නා ප්‍රදේශයක සිට නොකඩවා මේ අවි ආයුධ ගොඩ බිමට ලැබෙන බවත් එම නැව් ඇති ඉසව්ව ශ්‍රී ලංකා නාවික හමුදාවේ ජලතරණ හැකියාවෙන් ඔබ්බට ගිය ජාත්‍යන්තර මුහුදු සිමාවේ එකක් බවත් යන්න දැන සිටීම හැර ඊට විසඳුමක් එතෙක් යෝජනා වී තිබුනේ නෑ. ඒ අතර මේ අපේ කතා නායකයා එවකට ලංකාව සතුවූ විශාලම නෞකාව වූ සයුර යාත්‍රාවේ අණදෙන නිලධාරී වරයා ලෙස පත්වී එනවා. එතැන් පටන් මෙතෙක් බොහෝ දෙනෙකුට නොහැකි වූ ජාත්‍යන්තර සහයෝගය හා නවීන තාක්ෂණයේ සහයෝගයද ඒ සියල්ල පරයා නැගී වීරත්වය කැටි කරගත් නාවික සගයන්ගේ සහයද ලබාගෙන ගෝඨාභය රාජපක්ෂ ආරක්ෂක ලේකම්වරයාගේ හා වසන්ත කරන්නාගොඩ නාවික හමුදාපතිවරයාගේ ඍජු අධීක්ෂණය යටතේ එතෙක් මෙතෙක් නාවික හමුදාව සිදුකල දැවැන්තම හා සාර්ථකම මෙහෙයුම් ගණනාවක් සැලසුම් කරමින් ඒ මහා වික්‍රමය එනම් එල්ටීටීඊ ජාත්‍යන්තර ආයුධ ජාවාරම් ජාලය විනාශ කිරීමේ මෙහයුම් ප්‍රධානියා වන්නේ, කරන්නාගොඩ මහතා සිය කෘතියේදී උපුටා දැක්වීමට මැලිවූ, එලෙසම විමල් විරවංශ මන්ත්‍රීවරයා අද පාර්ලිමේන්තුවේ හැන්සාඩ් වාර්තාවට නම ඇතුලත් නොකිරීමට ප්‍රවේශම් වූ ද්‍රවිඩ වාසගමක් සහිත මේ අභීත ලංකා පුත්‍රයායි.. ඔහුගේ සේවය කොතරම් උසස් කොට සැළකුවද යත් කරන්නාගොඩ මහතාම සඳහන් කරන පරිදි අවසන් සමයේ උසස්වීමක් ලබා නාවික හා සාගරික විද්‍යා පිඨයේ අඥාපති ව සිටි කොමදෝරු ට්‍රැවිස් සින්නයියා මෙම මෙහෙයුම් සඳහාම තාවකාලිකව ඒ ඒ අවස්ථාවන්වලදී ඒකාබද්ධ අණදෙන නිලධාරී වරයා ලෙස ප්‍රධාන නෞකාවට අනුයුක්ත කරනු ලැබුවා.. 

2009 මැයි  18 වෙනිදායින් පස්සේ සියල්ල කණපිට පෙරලුනා.. මැණික් පරයා දේශප්‍රේමී ලේබලය අලවාගත් ගොමරිටි යෙහෙන් වැජබුනු ඒ වකවානුවේ දක්ෂ නිර්භීත හා ඇත්තටම වැඩ පෙන්නපු නිලධාරීන්ට හමුදාව කලකිරවන සිදුවීම් එක පිට එක පෙළ ගැසුනා.. ඉතිහාසයේ නාවික හමුදාපති දූරයට පත්වූ අපකිර්තිමත්ම පුද්ගලයෙකු වූ හිටපු නාවික හමුදාපති සෝමතිලක දිසානායක සමය එහි කුටප්‍රාප්තියයි. නැගෙනහිර මුහුදේ සිදුවූ 'සිවිල් ඇඳුම් ඇඳගෙන ඩිංගි බෝට්ටුවකින් ගමන් ගත් නැවියන් සිවු දෙනෙකුගේ අතුරුදහන්වීම' යන සිදුවීම අරඹයා සෝමතිලක දිසානායක හා ට්‍රැවිස් සින්නයියා අතර ඇරඹි මත ගැටුම අවසන් උනේ 2011 වසරේදී ට්‍රැවිස් සින්නයියාට නාවික හමුදාවෙන් ඉල්ලා අස්වීමට බලකරමින්. ඒ වෙනුවෙන් එවකට පැවති දේශපාලන බල අධිකාරිය බලපෑම් කල බව ප්‍රසිද්ද රහසක්.. 

කනස්සලු සිතින් නාවික හමුදාව හැරගියද ඉතා දක්ෂ හා අත්දැකීම් බහුල නිලධාරියෙකු වූ ට්‍රැවිස් සින්නයියාට තවත් ඉතා  භාරදුර දූර වගකීමක් ලැබුනා.. ඒ ශ්‍රී ලංකාවේ ඇමෙරිකානු තානාපති කාර්යාලයේ ආරක්ෂක උපදේශකයෙකු ලෙස.. එවන් තනතුරකට ඔහු තරම් වෙනත් සුදුස්සෙක් එවකට ඇත්තටම හිටියේ නෑ කියන්න පුළුවන්.. ඔහුගේ තානාපති කාර්යාලයේ භූමිකාව කුමක්ද යන්න හෙළි නොවූ කතාවක් වුවද ඔහු ගැන දන්නා ඕනෑම පුද්ගලයෙකු එම අවස්ථාව දෙරටටම හානියක් නොවන ලෙස ඉතා මැනවින් කළමනාකරණය කර ගැනීමේ සුවිශේෂ හැකියාවක් ඔහු සතු බව පිලිගන්නවා. මේ සඳහා හොඳම උදාහරණය වන්නේ තානාපති කාර්යාලයේ සේවය නිමා කරන ඔහු සිය පවුල සමඟ පදිංචියට යන්නේ ඇමෙරිකාවට නොව වෙනත් යුරෝපිය රටකටයි. විරවංශ මන්ත්‍රීවරයා අමතක කල නමුත් අපි සියලු දෙනා දන්නා සත්‍යයක් නම් ට්‍රැවිස් සින්නයියා ඇමෙරිකානු තානාපති කාර්යාලයේ සේවකයෙකුව සිටියා පමණක් වද්දී, පසුගිය රජයේ ආරක්ෂක ලේකම්වරයා ඇමෙරිකානු පුරවසියෙකුව සිටි බව එමෙන්ම ෆීල්ඩ් මාෂල් සරත් ෆොන්සේකා ඇමෙරිකානු ග්‍රීන් කාඩ් හිමියෙක් බව.. එසේම සේවයේ සිටියදීත් හමුදා නිලධාරීන් වෙනත් රටවල තානාපති කාර්යාල සඳහා Defence Advisors ලා විදියට අනුයුක්ත කරන බව.. 

යහපාලන රජය (දැන්නම් ඇති යහපාලනයක් නැති වුවත්) පත් වූ අලුත සිදුවූ එක් වැදගත් ක්‍රියාමාර්ගයක් වුයේ පසුගිය රජය සමයේ දේශපාලන පලිගැනීම් වලට ලක්වූ නිලධාරීන් නැවත සේවයේ පිහිටුවා ඔවුන්ට හිමි වැටුප්, උසස්වීම් හා අනෙකුත් වරප්‍රසාද නැවත ලබා දීමයි. මාගේ දැනුමේ හැටියට එවන් ත්‍රිවිද හමුදා නිලධාරීන් 50 කට ආසන්න පිරිසක් නැවත සේවයේ පිහිටවූ අතර ඔවුන් වැඩි පිරිසක් නව තනතුරේ වැඩ බාරගත් දිනම නැවත විශ්‍රාම ගන්වනු ලැබූ අතර ඉතාමත් සීමිත පිරිසක් නැවත සේවයේ යොදවනු ලැබුවා. ඒ ඔවුන්ගෙන් ලාබගතයුතුම වූ එහෙත් ලබා ගත නොහැකි වූ සේවය ලබා ගැනීම වෙනුවෙනුයි. ට්‍රැවිස් සින්නයියා යනු එවන් නාවික හමුදාව තුල සිටිය යුතුම නිලධාරියෙකු ලෙස නාවික හමුදාව හඳුනා ගෙන සිටියා. 

දෙවෙනි ආගමනයත් සමගත් රියර් අද්මිරාල් සින්නයියාගේ නාවික ගමන එතරම පහසු එකක් උනේ නෑ.. ඔහුව නැගෙනහිර ආඥාපතිවරයා ලෙස නම් කර සිටියදී සාම්පුර් පාසලක උත්සවයක් අවස්ථාවේ නැගෙනහිර මහා ඇමතිවරයා විසින් ප්‍රොටෝකෝල් ප්‍රශ්නයක් මුල් කරගෙන එහි සිට නාවික කපිතාන්වරයාට බැන වැදීමත්, නැගෙනහිර මහා ඇමතිවරයා මුස්ලිම් ජාතිකයෙකු වීම හරහා ඇතිවුණු කැළඹීමත් එවකට මාරුවී යාමට නියමිතව සිටි නැගෙනහිර නාවික ආඥාපති වරයා ප්‍රමුඛ හමුදා ප්‍රධානින් සිංහලයින්ගේ ප්‍රමෝදයට හේතුවූ මහා ඇමතිවරයාට හමුදා කඳවුරු වලට ඇතුළුවීම තහනම් කරමින් දුන් තීන්දුවත් නිසා වැඩ බාර ගන්නා අවස්ථාව වෙද්දීම නව ආඥාපතිවරයාගේ පුටුව රත්වී තිබුනා.. එලෙසෙම නාවික හමුදාවේ මාරුවීම් ක්‍රමවේද පිලිබඳ නොදන්නා බොහෝ දෙනා මේ මාරුවීම සාම්පුර් සිදුවීමේ ප්‍රතිපලයක් ලෙස හුවා දැක්වීමත්, නාවික හමුදා මුලස්ථානයේ තීරණයක් අනුව යමින් නැගෙනහිර මහා ඇමතිවරයාට දිවා ආහාරය සඳහා නාවික තටාකාංගනයට ආරාධනා කිරීම නව ආඥාපතිවරයාගේ කලපරිච්චේදය ආරම්භයේදීම සිදුවීමත් යන ඒවා මේ පෑරෙමින් තිබු තුවාලයට ලුණු වත්කිරීමක් වගේ උනා....

නමුත් දැන් ත්‍රිකුණාමලය ප්‍රමුක නැගෙනහිර නාවික පෙදෙසේ තත්වය බොහෝ වෙනස්.. යුද්දයෙන් පසු වැටි තිබු හමුදා සාමාජිකයින්ගේ මානසික මට්ටම හා හමුදා සුදානම නැවත ඇති වෙමින් තිබෙනවා. ඒ වගේම අවශ්‍ය යුද උපකරණ මිලදී ගැනීම්, යාත්‍රා අලුත්වැඩියා කටයුතු, පුහුණු කටයුතු මෙන්ම නැවියන්ගේ හා නිලධාරීන්ගේ සුභ සාදන කටයුතුද ඉතා විධිමත්ව හා ඉහල විනිවිද භාවයකින් සිදුවන බව එහි සිටින ජෙෂ්ට කනිෂ්ඨ නිලධාරීන් සියලු දෙනා සාක්ෂි දරනවා.. දැන් ඔවුන්ට නියම මිලිටරි නායකත්වයක් ලැබී ඇති බව එහි අවසන් කියවීමයි.. මේ සියල්ල දක්ෂ අවංක, එඩිතර හා දැනුවත් නිලධාරියෙකුගේ මඟ පෙන්වීමේ ප්‍රතිපලයි. 

Photo credit goes to Sri Lanka Navy official website

හැම වැරද්දටම ගෙදර තියෙන දේශපාලන මුව හැමට තඩි ගහන කට වාචාල දේශපාලකයින් කුමක් කීවත්.. ඔබ ගැන දන්නා, ඔබ යටතේ වැඩ කර ඇති වෙනත් බොහෝ දෙනෙකු මෙන්ම මගෙත් ප්‍රාර්ථනය ට්‍රැවිස් සින්නයියා ඉදිරි දිනකදී නාවික හමුදාවේම අණ දෙන්නා වනු දැකීමයි.. 

BZ Sir! Keep up the good work.. you'll get what you deserve.